Shymkent qalasynda ónerkásipti damytý jáne halyqty turaqty jumyspen qamtý maqsatynda jańadan 3 ónerkásip alańy qurylyp, taǵy 2-eýiniń aýmaǵy keńeıtiledi.
Bul týraly Ál-Farabı aýdanynyń halqymen kezdesip, esep bergen Shymkent qalasynyń ákimi Murat Áıtenov málimdedi.
–Qalaǵa kóptep ınvestıııa tartý, sol arqyly ónerkásip salasyn odan ári damytyp, halyqty turaqty jumyspen qamtamasyz etý úshin jańadan 3 ındýstrıaldy aımaq ashyp, 2 aımaqty keńeıtýdi kózdep otyrmyz. Atap aıtqanda, bıyl «Juldyz» jáne «Bozaryq» ındýstrıaldy aımaqtarynyń ınfraqurylym jelileriniń qurylysy aıaqtalady. Bul aımaqtarda 2024 jyly alǵashqy kásiporyndar ashylady. Oǵan qosa bıyl «Isker qala» baǵdarlamasy arqyly jumys isteıtin «Standart» ındýstrıaldy aımaǵy óz jumysyn bastaıdy. Aldaǵy ýaqytta «Ońtústik» arnaıy ekonomıkalyq aımaǵy men Shymkent kólik-logıstıkalyq ortalyǵynyń aýmaǵyn keńeıtýdi kózdep otyrmyz, – dedi qala ákimi M.Áıtenov.
Onyń aıtýynsha, qoldanystaǵy 5 óndiristik alańda 80 100-den astam jumys orny qurylǵan. Al, jańa ındýstrıaldy aımaqtarda da 8 myńnan astam jumyspen qurylady degen jospar bar.
–Memleket basshysy halyqty jumyspen qamtý máselesine erekshe nazar aýdarý jóninde tapsyrma berdi. Osy oraıda, Shymkent qalasynda 2022 jyly 65 799 adam jumyspen qamtý sharalaryna qatysty. Sonyń ishinde 7 myńǵa jýyǵy ýaqytsha jumys oryndaryna joldansa, 18 azamat kásiptik qaıta daıarlaý kýrstarynda oqyp shyqty. Sondaı-aq, 40 myńnan astam azamat turaqty jumysqa ornalasty. Halyqty turaqty jumyspen qamtýǵa shaǵyn jáne orta kásipkerlik pen ónerkásip salalary ekershe yqpalyn tıgizýde, – dedi Murat Dúısenbekuly.
Qala ákiminiń aıtýynsha, atqarylǵan jumystardyń nátıjesinde 2021 jyly Shymkentte ataýly áleýmettik kómek alatyndardyń sany 51 myńnan assa, 1 jyldyń ishinde bul kórsetkish 16 myń adamǵa deıin qysqarǵan.
