"ادىلەتتى قازاقستاندى “ەسكى جۇيەگە”بايلانعان جەمقورلاردان تازارتۋ ارقىلى بىرگە قۇرايىق! ءبارىن ءبىر پرەزيدەنتكە ارتىپ قويىپ، “سەن نە ءۇشىن ءجۇرسىڭ، ول نە ءۇشىن پرەزيدەنت؟”،-دەگەن قۇل-تۇسىنىكتەن ارىلساق قانا - وسەمىز، ونەمىز". بۇل پىكىردى بەلگىلى زاڭگەر ايگۇل ورىنبەك ءوزىنىڭ فەيسبۋك پاراقشاسىندا قالدىردى، دەپ جازادى "ادىرنا" ۇلتتىق پورتالى.
"ادىلەتتى قازاقستاندى تەك ءبىر ادام ورناتپايدى! مەن قوعامدا ادىلەتتىلىكتى بۇگىن عانا تالاپ ەتىپ جۇرگەنىم جوق، بۇل - جىلدار بويعى ءجۇرىپ جاتقان كۇرەس! جاتىپ الىپ:”ۇيتپەيسىڭ بە، بۇيتپەيسىڭ بە” دەيتىندەرگە ايتارىم، وتىز جىل بويى قوردالانعان زاڭسىزدىقتى، تامىرىن تەرەڭگە تارتقان جەمقورلىقتى - ءبىر ادام كەلىپ، ونى ءبىر كۇندە جويىپ جىبەرۋى مۇمكىن ەمەس! ءار وڭىردەن، جەر-جەردەن ەلىمىزدىڭ ەرتەڭى ءۇشىن، ادىلەتتى قازاقستان ءۇشىن جاسقانباي كۇرەسۋىمىز كەرەك! راسىندا، “ەسكى جۇيە” جىلدار بويى حالىقتى ساۋىپ كەلدى، ارمەن قاراي دا ساۋعىسى كەلەتىندەر وڭايلىقپەن بەرىلمەيدى جەمقورلىقسىز تازا ەل بولعىمىز كەلسە - ادىلدىك جولىندا جۇرگەندەرگە جوسىقسىز كەدەرگى كەلتىرمەي، وداندا بىزگە جىگەر بەرىپ، قاتارىمىزعا قوسىلىڭىزدار!جاي عانا كوشەگە تاستالعان قوقىستىڭ ءوزى - ءتارتىپ بۇزۋ بولىپ تابىلاتىنىن ءاربىر ادام ءجىتى سەزىنۋى كەرەك! ءبارىن ءبىر پرەزيدەنتكە ارتىپ قويىپ، “سەن نە ءۇشىن ءجۇرسىڭ، ول نە ءۇشىن پرەزيدەنت؟”،-دەگەن قۇل-تۇسىنىكتەن ارىلساق قانا - وسەمىز، ونەمىز!", - دەيدى ايگۇل ورىنبەك.
زاڭگەر ءبىز قۇقىقتىق ساۋاتتى ارتتىرۋ ارقىلى ادىلەتتى قازاقستان قۇراتىنىمىزعا توقتالدى.
"اسىرەسە، اۋىل-ايماقتاعى ازاماتتار بەلسەندى بولۋى ماڭىزدى! ءبىز مەملەكەتىمىزدە قۇقىقتىق ساۋاتتى ارتتىرۋ ارقىلى - ءوز قۇقىعىمىزدى قورعاپ قانا قويماي، ونى تالاپ ەتە الامىز! باستىسى، ادىلەتتى قازاقستاندى قۇرامىز! پرەزيدەنتىمىز ق.ك.توقاەۆ قازاقستانداعى ادىلەتسىزدىكتەردى كورمەي وتىرعان جوق ەمەس، كورىپ وتىر! ءبىلىپ وتىر! جالعىز وزىنە ەلدەگى “قوردالانعان” جانە “قاتپارلانعان” جەمقورلىقپەن كۇرەسۋ - وڭاي ەمەس! مەن سياقتى اۋىلدان شىققان قاراپايىم قازاقتىڭ قىزىن - وسى ماقساتتا ءوزىنىڭ جانىنداعى ۇلتتىق سەنىم كەڭەسىنە كىرگىزدى دەپ ويلايمىن! وسى ۋاقىتقا دەيىن پرەزيدەنت اتىنا مەنىڭ ۇستىمنەن قانشاما شەنەۋنىكتەن ارىز ءتۇستى! ءتىپتى وتكەندە بارعانىمدا پرەزيدەنتىمىز: “ايگۇل، اكىمدەر ۇستىڭنەن ارىزدانۋدا”، دەپ كۇلدى. شىنتۋايتىندا، مەملەكەت باسشىسى وسى ۋاقىتقا دەيىن مەنىڭ قوعامداعى قاۋزاپ جۇرگەن جايتتارىم مەن كوتەرىپ جۇرگەن ماسەلەلەرىمە شەكتەۋ قويماعان!", - دەيدى زاڭگەر.
ونىڭ ايتۋىنشا، سوزدەن ىسكە كوشەتىن ۋاقىت كەلدى.
"قايتا ءوز قىلمىستارى مەن “بىلىقتارىنىڭ” بەتى اشىلىپ قالۋىنان قورقىپ جۇرگەن “شەندىلەر” مەن “شەنەۋنىكتەر” جولىمدى كەستەستەپ، ماعان كەدەرگىسىن كەلتىرىپ جاتىر! سەبەبى، مەن ولاردان ميلليوندارعا تەندەر الىپ، ونى زاڭسىز جولمەن “يگەرىپ” وتىرعانىم جوق! ء“شاي-مايلارىن” الىپ، نەگىزسىز ماقتاپ-ماداقتاۋ دا - مەن ءۇشىن جات، جيىركەنىشتى! ارىم دا، نانىم دا - ادال! حالىق مەنى سول ءۇشىن دە جاقىن تارتسا كەرەك… ۇيدە جاتىپ الىپ، كولگىرسۋ - ءبارىمىزدىڭ قولىمىزدان كەلەدى، ال ىسپەن كورسەتىپ، انىعى سول جولدا كۇرەسۋ - ەكىنىڭ ءبىرىنىڭ قولىنان كەلە بەرمەيدى! ادىلەتتى قازاقستان قۇرۋ جولىنداعى كۇرەسكەر ازاماتشا رەتىندە ايتارىم، سوزدەن - ىسكە كوشەتىن ۋاقىت جەتتى! ادىلەتتى قازاقستاندى “ەسكى جۇيەگە”بايلانعان جەمقورلاردان تازارتۋ ارقىلى بىرگە قۇرايىق! قاسىم-جومارت كەمەلۇلىنا ادىلدىك ءۇشىن كۇرەس جولىندا قولداۋ بىلدىرەيىك!", - دەيدى ايگۇل ورىنبەك.
"ادىرنا" ۇلتتىق پورتالى
