تايلاندتا جوعالىپ كەتكەن قازاقستاندىق رەپەر كيسلو-سلادكي داقاپ اتىمەن تانىلعان دارحان جۇمابەك امان-ەسەن تابىلدى، دەپ حابارلايدى "ادىرنا".
بۇل تۋرالى رەجيسسەر پاراسات يبراەۆ ءوزىنىڭ Instagram پاراقشاسىندا حابارلادى. ول ىزدەۋ جۇمىستارىنا قاتىسقان جانە قولداۋ بىلدىرگەن بارلىق ازاماتتارعا العىس ءبىلدىردى.
«دارحان امان-ەسەن تابىلدى. وسى كۇندەرى الاڭداپ، ىزدەپ، اقپارات تاراتقان جانە قولداۋ كورسەتكەن بارشاڭىزعا ۇلكەن راقمەت. ەندى تەك جاقسى جاڭالىقپەن بولىسەتىن ۋاقىت كەلدى»، – دەپ جازدى پاراسات يبراەۆ.
Telegram-داعى SHOT ارناسىنىڭ مالىمەتىنشە، ونەرپاز پحۋكەت قالاسىنداعى مەديتسينالىق مەكەمەلەردىڭ بىرىنەن تابىلعان. الدىن الا اقپارات بويىنشا، ونىڭ دەنساۋلىعىنا اۋىر زاقىم كەلمەگەن.
ايتا كەتەيىك، بۇعان دەيىن پاراسات يبراەۆ رەپەردىڭ جوعالىپ كەتكەنىن حابارلاپ، ونى ىزدەۋگە كومەك كورسەتۋ ءۇشىن كوشى-قون پوليتسياسىنا جۇگىنگەن.
