فوتو جي كومەگىمەن جاسالدى
استانادا قازاقستاندى 76 كۇن بويى ۆەلوسيپەدپەن ارالاعان شىڭجاڭدىق ساياحاتشى بۇرلەن ادىلەتقىزىنىڭ جوعالعان ۆەلوسيپەدى تابىلدى، دەپ حابارلايدى "ادىرنا" ءتىلشىسى.
بۇل تۋرالى استانا قالاسىنىڭ پوليتسيا دەپارتامەنتى جازبا جاريالادى.
پوليتسيا دەپارتامەنتىنىڭ حابارلاۋىنشا، ۆەلوسيپەدتىڭ ۇرلانعانى تۋرالى پوليتسياعا ەشقانداي ارىز تۇسپەگەن. الايدا الەۋمەتتىك جەلىدە ۆەلوسيپەدتىڭ ۇرلانعانى تۋرالى بەينەماتەريال جاريالانعاننان كەيىن پوليتسيا قىزمەتكەرلەرى قىسقا مەرزىم ىشىندە ونىڭ ورنالاسقان جەرىن انىقتاعان.
تەكسەرۋ ناتيجەسىندە ۇرلىق فاكتىسى بولماعان دەلىنەدى. ۆەلوسيپەدتى يەسى قۇربىسىندا قالدىرعانى ايتىلادى.
پوليتسيا دەپارتامەنتى بۇل ماسەلەدەن جالعان مالىمەت دەرەگىن كورىپ وتىرعان سياقتى. مەكەمە رەسمي مالىمەتىندە جالعان مالىمەت تاراتقان ادامنىڭ قازاقستان زاڭناماسىنا سايكەس جاۋاپقا تارتىلاتىنىن ەسكەرتتى.
بۇعان دەيىن الەۋمەتتىك جەلىدە ساياحاتشى بۇرلەن ادىلەتقىزىنىڭ ۆەلوسيپەدى استانادا جوعالىپ كەتكەنى تۋرالى اقپارات تاراعان ەدى. ول اتالعان ۆەلوسيپەدپەن قازاقستاننىڭ ءار ءوڭىرىن ارالاپ، 76 كۇندىك ساپار جاساعان.
ايتا كەتەيىك، بۇل بۇرلەننىڭ قازاقستانعا العاشقى ساپارى ەمەس. 2024 جىلى ول ءۇرىمشى قالاسىنان استاناعا ۆەلوسيپەدپەن 26 كۇندە جەتكەن. سول ساپاردان كەيىن ساياحاتشى مىنگەن ۆەلوسيپەدىن تۇڭعىش پرەزيدەنت مۋزەيىنىڭ قورىنا تاپسىرعان.
