ەۋرازيالىق حالىقارالىق كىتاپ – كورمە جارمەڭكەسى جىل سايىن ەلىمىزدىڭ باس قالاسىندا ءوتىپ وتىرادى. 2018 جىلدان باستاپ ەلوردالىق تۇرعىندار، اسىرەسە كىتاپ سۇيەر قاۋىم كورمەگە كەلىپ، ونىڭ اتموسفەراسىن سەزىنىپ، كىتاپ اۆتورلارىنىڭ اۆتوگراف – سەسسياسىنا قاتىسۋعا مۇمكىندىكتەرى بار.
ءىس – شارا تاڭعى 10:00 –نان كەشكى 18:00 – عا دەيىن 19 -23 ءساۋىر ارالىعىندا بەس كۇن بويى جالعاستى. قامتىلعان اقپارات وتە كوپ. العاشقى كۇن كىتاپ – جارمەڭكەسىنىڭ اشىلۋ سالتاناتىمەن، «اباي» كىتابى مەن «اباي دانالىعى» فوتوالبومىنىڭ تۇساۋكەسەرىنەن باستالدى. ميراس كەسەباەۆ «جىلدام وقۋ» كىتابىنىڭ اۆتورى، وقىعان اقپاراتتى تەز وقىپ وتىرىپ ەستە ساقتاپ قالۋ ادىستەرىمەن ءبولىستى.
تاس بەتىندە سۋرەت سالۋدان شەبەرلىك ساباقتار، يسپان مادەنيەتىنەن ۆيكتورينالىق سۇراقتار قويىلىپ كىتاپتار سىيعا تارتىلدى. «احمەت – ۇلت ۇستازى» كىتابىنىڭ تۇساۋكەسەرى مەن پرەزەنتاتسياسى ءوتتى، اۆتورى سىدىقوۆ ەرلان باتتاشۇلى – تاريح عىلىمدارىنىڭ دوكتورى، پروفەسسور، اكادەميك، ەۋرازيا ۇلتتىق ۋنيۆەرسيتەتىنىڭ رەكتورى. 21 ءساۋىر كۇنى مارعۇلان سەيسەمباي سۋ جاڭا كىتابىنىڭ پرەزەنتاتسياسىن تانىستىرعان بولاتىن. ءدال سول كورمەدە «ميسسيا نەۆىپولنيما. تەحنولوگيا سچاستليۆوي جيزني» كىتابىنىڭ تەك وتىز داناسى ساتىلىپ كەتتى. اۆتوردىڭ ءىس – شاراسىنا قاتىسا الماي قالعان ادامدار كورمەنىڭ كەلەسى كۇنى كىتاپتى ءوزىنىڭ باعاسىنان ەكى – ءۇش ەسە قىمبات ساتىپ الۋعا دايىن بولعان.
ەۋرازيالىق حالىقارالىق كىتاپ – كورمە جارمەڭكەسىنىڭ ۇيىمداستىرۋشىسى جانە باستى دەمەۋشىسى قر – داعى «فوليانت» كوپسالالى قازاقستاندىق باسپاسى، رەسمي قولداۋشىلار مادەنيەت جانە سپورت مينيسترلىگى. وسىعان وراي فاريزا امانبايقىزى – «فوليانت» باسپا – ءۇيىنىڭ PR مەنەدجەرى 5 كۇن بويى وتكەن كورمە تۋرالى ءوز ويىن ءبىلدىردى.
ءار ءبىر وقىرمان ءىس – شارادا وزدەرىنە كەرەك ماعلۇماتتى بارىنشا قابىلداپ، قالاعان كىتاپتارىن الا الدى دەگەن ۇمىتتەمىز. ءبىزدىڭ ماقساتىمىز – بەس كۇن بويى ەلىمىزدە، جاستاردىڭ اراسىندا كىتاپ وقۋ مادەنيەتىن قالىپتاستىرۋ بولدى. كوزدەگەن مۇراتىمىز ورىندالدى دەپ سەنەمىز، - دەيدى باسپانىڭ اتقارۋشى ديرەكتسياسى فاريزا جانعاناەۆا. جاڭا كىتاپتاردىڭ تۇساۋكەسەرلەرى بولدى، اۆتورلارمەن سۇحباتتاسىپ، ولاردىڭ كىتاپتارى مەن ويلارىمەن تانىسىپ، وزىمە جاڭا تاقىرىپ پەن جاڭا اۆتورلاردى اشتىم دەسەم بولادى. ءوزىم فيلولوگ بولعان سوڭ، وزىمە وسىنداي جان – جاقتى، تالاپتى ادامدارمەن كەزدەسۋ پايدالى بولدى، - دەپ شاعىن insight – تارىمەن ءبولىستى.
«Eurasian Book Fair» كورمەسىنىڭ ۇيىمداستىرۋشىلارى جەتكىلىكتى كادرلار، رەتتەۋشى ادامدار بولماعان سوڭ، «استانا جاستارى» ۇيىمىنىڭ كومەگىنە جۇگىندى.
2019 – دان باستاپ «فوليانت» باسشىلارى مەن ۆولونتەرلىك ۇيىمنىڭ اراسىندا جىلى قارىم – قاتىناس بايقالادى. ەرىكتى ۆولونتەرلەر حالىققا قىزمەت ەتىپ، ءبىلىم مەن اقىلدىڭ توعىسقان جەرىندە ماشىقتاندى. ءبىر ۆولونتەرلەر شەت ەل ازاماتتارى مەن وقۋ ورىندارىنان كەلگەن 15000 – نان استام ستۋدەنتتەر مەن وقۋشىلاردى قارسى الۋمەن اينالىسسا، ەندى بىرەۋلەر ءار باسپا ۇيىنە كىتاپ ساتۋمەن كومەكتەستى.
بىلتىر «Eurasian Book Fair 2022» كورمەسىندە رەتتەۋشى - توپ كوشباسشىسى بولعان، «استانا جاستارى» ۆولونتەرى سۇلتان رامازانمەن ۆولونتەرلىك ءىس تۋرالى اڭگىمە وربىتكەن ەدىك.
مەن ءوزىم كىتاپ جارمەڭكەسىمەن قاتار، قالامىزدا وتەتىن اۋقىمدى ءىس – شارالاردىڭ كوورديناتورى بولدىم، 4 جىل ۆولونتەر بولىپ كەلەمىن. بىلاي قاراساق، ۆولونتەرلىك ءىس، بۇل - تەگىن ەكسپلۋاتاتسيا. سوندا مەن نە ءۇشىن ءجۇرمىن؟ مەنىڭ ويىمشا، بۇل جۇمىستى تەگىن قىزمەت دەپ قابىلداماۋ كەرەك، كەرىسىنشە جاھاندىق دەڭگەيگە جەتەتىن ءتۇرلى ءىس – شارالارعا قاتىسۋ، جامان دا جاقسى ساتتەردىڭ ەستەلىگى دەپ ءبىلۋ قاجەت. ماسەلەن، ءبىر كۇنى سەن ءوزىڭ سياقتى باسقا ەرىكتىلەرمەن ءبىر شكافتا تىعىزدانىپ وتىراسىڭ، ال ەرتەڭ مىڭداعان ادامداردىڭ اراسىندا ۇلكەن زالدا تۇرا الاسىڭ. ۆولونتەرلىك – تەك العىس – حاتتار عانا ەمەس، ول جاقسى تانىسۋلار، بولاشاققا العان بايلانىستار نەمەسە ومىرلىك ماحاببات تا بولۋى مۇمكىن. بۇل جەردە جاسى 14 – تەن 80 -گە دەيىنگى ءارتۇرلى ادامدار بار، ولاردىڭ بارلىعى ءبىر اسپاپتاي ءبىر ماقساتپەن ءبىر كوماندادا جۇمىس ىستەيدى – ءالى تۇسىنبەگەن نەمەسە ءوزىن تابا الماعاندارعا كومەكتەسۋ، ءبىر ماقسات، ءبىر مۇددە، ءبىر بولاشاق،- دەپ ءبولىستى جاس ۆولونتەر.
«مازمۇنداما» قورىنىڭ جەتەكشىسى تەڭىز جۇمابەكۇلى وسى ۋاقىتقا دەيىن بىرگە قولقانات بولعان ەرىكتىلەرگە «مازمۇنداما» باسپا ءۇيىنىڭ جانە جەكە ءوزىنىڭ اتىنان العىس ءبىلدىردى.
قازاقستاندا ۆولونتەرلەر ۇيىمى ەندى دامىپ كەلە جاتىر. ءبىزدىڭ ۋاقىتتا «ۆولونتەر» دەگەن ۇعىم بولمايتىن. ال نەگىزى، ەرىكتىلەردىڭ كوپ بولعانى جاقسى، ويتكەنى ۇلكەن فورۋمداردا جاقسى ادامدارمەن، بولاشاق ارىپتەستەرىمەن تانىسىپ، بايلانىس ورناتۋدا ۇلكەن ورنى بار، ولار ادامداردىڭ بويىنا جاقسى قابىلەتتەردى دارىتىپ الەمگە مەيىرىمدىلىك تاراتادى، - دەيدى تەڭىز سەيىلحان.
ەلىمىزدىڭ ۇزدىك ەرىكتىلەرى، ومىرگە دەگەن تالپىنىستارى ايقىن جاستاردىڭ كۇننەن كۇنگە جاقسى ىسكە قۇلشىنىستارىنىڭ بولۋى قۋانتارلىق جاعداي. كورمەگە كۇن سايىن 20000 – نان استام حالىقتىڭ كەلۋى، كىتاپ سۇيەر قاۋىمنىڭ كوپتىگىن بايقاتتى.
ەۋرازيالىق حالىقارالىق كورمەدەن كىتاپقا، مادەنيەتكە، ادەبيەتكە، رۋحانياتقا قۇرمەتپەن قارايتىن وقىرماندار، وتباسىمەن كەلگەن جاندار، ۇيىمداستىرۋشى، ۆولونتەر، باسپا ۇيلەردىڭ باسشىلارى ومىرلەرىنە قاجەتتى ازىق الىپ، قىزىقتى ساتتەردىڭ كۋاسى بولا الدى.
فاتيما ەرىمبەت،
"ادىرنا" ۇلتتىق پورتالى
