قر پرەمەر-ءمينيسترىنىڭ ورىنباسارى التاي كولگىنوۆ جانە «AMANAT» پارتياسىنىڭ حاتشىسى ەلدار جۇماعازيەۆ اتىراۋ وبلىسىنداعى ماحامبەت اۋدانىنىڭ تۇرعىندارىمەن كەزدەستى، دەپ حابارلايدى «AMANAT» پارتياسىنىڭ ءباسپاسوز قىزمەتى.
پرەزيدەنت قاسىم-جومارت توقاەۆ «ادىلەتتى قازاقستان: ءبارىمىز جانە ارقايسىمىز ءۇشىن. قازىر جانە ءاردايىم» دەپ اتالاتىن سايلاۋالدى باعدارلاماسىندا اۋىل تۇرعىندارىنىڭ ءومىر ساپاسىن جاقسارتۋعا باسىمدىق بەرگەن ەدى.
الداعى جەتى جىلدا اۋىل تۇرعىندارىنىڭ تابىسىن ارتتىرۋ ءۇشىن 1 ترلن. تەڭگە ءبولۋ كوزدەلگەن. بۇل قاراجات اۋىل شارۋاشىلىعى سالاسىندا 350 مىڭنان استام ساپالى جۇمىس ورنىن اشۋعا مۇمكىندىك بەرەدى. قر پارلامەنتىنىڭ VIII شاقىرىلىمداعى العاشقى سەسسياسىنىڭ اشىلۋىندا مەملەكەت باسشىسى اۋىل تۇرعىندارىنا 5-7 جىلعا جىلدىق ءوسىمى 2,5 پايىز بولاتىن شاعىن نەسيە بەرىلەتىنىن مالىمدەدى. «AMANAT» پارتياسى اتالعان جوبانى ۇكىمەتپەن بىرلەسىپ جۇزەگە اسىرۋدا.
«AMANAT»-تىڭ حاتشىسى ەلدار جۇماعازيەۆتىڭ ايتۋىنشا، جوبا اياسىندا شارۋالار وڭىرلىك الەۋمەتتىك-كاسىپكەرلىك كورپوراتسياسى ارقىلى نەسيە راسىمدەي الادى; ليزينگكە اۋىل شارۋاشىلىعى تەحنيكاسىن الا الادى، ال تەحنيكا قۇنىنىڭ 50%-ىن مەملەكەت سۋبسيديالايدى; سەرۆيستىك-وتكىزۋ كووپەراتيۆتەرىن قۇرا الادى جانە تاعى باسقا.
«اماNات» پارتياسى اۋىلدىڭ ءال-اۋقاتىن جاقسارتۋ، اۋىل شارۋاشىلىعىن قولداۋ – مەملەكەتتىڭ ستراتەگيالىق مىندەتتەرىنىڭ ءبىرى ەكەنىنە سەنىمدى. جەكە قوسالقى جانە شارۋا قوجالىقتارى، فەرمالار، اۋىل شارۋاشىلىعى ونىمدەرىن قايتا وڭدەۋ كاسىپورىندارى ءاردايىم تۇسىنىكتى جانە تۇراقتى ەرەجەلەر بويىنشا قولداۋعا يە بولۋى ءتيىس. سوندىقتان ءبىز ۇكىمەت مۇشەلەرىمەن بىرلەسىپ «اۋىل اماناتى» جوباسى اياسىندا پرەزيدەنت تاپسىرمالارىن ورىنداۋ ماقساتىندا جەرگىلىكتى جەرلەردە قابىلداناتىن شارالارمەن تانىسىپ جاتىرمىز. بۇل جوبا اۋىل تۇرعىندارىنا ءوز ءىسىن اشۋعا مۇمكىندىك بەرە وتىرىپ، حالىقتىڭ تابىسىن ارتتىرۋعا ىقپال ەتەدى. پارتيا تاراپىنان اقپاراتتىق-ءتۇسىندىرۋ جۇمىسىن جۇرگىزىپ، جوباعا قاتىسۋشىلاردى وقىتامىز»، - دەدى ەلدار جۇماعازيەۆ.
ال پرەمەر-ءمينيستردىڭ ورىنباسارى التاي كولگىنوۆ ماحامبەت اۋدانىنىڭ تۇرعىندارىمەن كەزدەسۋ كەزىندە «اۋىل اماناتى» جوباسى اۋىلداعى جۇمىسپەن قامتۋ ماسەلەسىن شەشۋگە سەپتىگىن تيگىزەتىنىن جەتكىزدى.
«كوكتەم – باستامانى ءوز قولىڭىزعا الۋ، ءوز بيزنەسىڭىزدى باستاۋ ۋاقىتى. ونىڭ ۇستىنە مەملەكەت جەكە قوسالقى شارۋاشىلىقتى نەمەسە كاسىپكەرلىكتى دامىتۋ ءۇشىن جەڭىلدەتىلگەن پايىزدىق مولشەرلەمەمەن قولايلى جاعدايلار، نەسيەلىك دەمالىستار جانە باسقا دا مۇمكىندىكتەر بەرەدى. وبلىس اكىمدىگىنىڭ تاپسىرىسىنا سايكەس «اۋىل اماناتى» باعدارلاماسىن جۇزەگە اسىرۋ ءۇشىن اتىراۋ وبلىسىنا 1 ملرد 504 ملن تەڭگە ءبولىندى. بۇل قاراجاتقا 188 نەسيە بەرىپ، 200-گە جۋىق جەكە قوسالقى شارۋاشىلىق قۇرۋ جوسپارلانۋدا»، - دەدى پرەمەر-ءمينيستردىڭ ورىنباسارى.
ءوز كەزەگىندە، كەزدەسۋگە قاتىسقان شارۋا قوجالىعىنىڭ باسشىسى اسقار تاسقاليەۆ دايىن ءونىمدى حالىققا قولجەتىمدى باعامەن جەتكىزۋ ءۇشىن مەملەكەت قولداۋى قاجەت ەكەنىن اتاپ ءوتتى.
«ءونىم وتكىزۋگە قاتىستى بىرقاتار ماسەلە بار. سەبەبى جانارماي، تىڭايتقىش، جۇمىسشىلارعا تولەنەتىن جالاقى قۇنى ءوسىپ جاتىر. الايدا بارلىق شىعىندى تۇپكى ءونىم قۇنىنا قوساتىن بولساق، شارۋالار تۇتىنۋشىسىز قالادى»، – دەدى ول.
ايتا كەتەيىك، بىلتىر 40 كۇندىك اۋقىمدى اقپاراتتىق مارافون ۇيىمداستىرىلدى. «AMANAT»-تىڭ ترەنەرلەرى ءموبيلدى توپتار قۇرامىندا 28 شىلدە مەن 10 قىركۇيەك ارالىعىندا ەلىمىزدەگى 179 اۋداننىڭ 425 اۋىلى مەن اۋىلدىق وكرۋگىندە 250 مىڭ ازاماتتى قامتي وتىرىپ، كەزدەسۋ وتكىزدى. ال پارتيانىڭ ساياسي مەنەدجمەنت اكادەمياسى اۋىل، اۋىلدىق وكرۋگ اكىمدەرى جانە «AMANAT»-تىڭ اۋماقتىق فيليالدارىنىڭ اتقارۋشى حاتشىلارى ءۇشىن حالىقتىڭ ەكونوميكالىق بەلسەندىلىگىن ارتتىرۋ سالاسىنداعى قۇزىرەتتەردى دامىتۋ بويىنشا ەرەكشە كۋرستار وتكىزدى. وعان 2346 ادام قاتىستى.
