QR Premer-Mınıstriniń orynbasary Altaı Kólginov jáne «AMANAT» partııasynyń Hatshysy Eldar Jumaǵazıev Atyraý oblysyndaǵy Mahambet aýdanynyń turǵyndarymen kezdesti, dep habarlaıdy «AMANAT» partııasynyń baspasóz qyzmeti.
Prezıdent Qasym-Jomart Toqaev «Ádiletti Qazaqstan: bárimiz jáne árqaısymyz úshin. Qazir jáne árdaıym» dep atalatyn saılaýaldy baǵdarlamasynda aýyl turǵyndarynyń ómir sapasyn jaqsartýǵa basymdyq bergen edi.
Aldaǵy jeti jylda aýyl turǵyndarynyń tabysyn arttyrý úshin 1 trln. teńge bólý kózdelgen. Bul qarajat aýyl sharýashylyǵy salasynda 350 myńnan astam sapaly jumys ornyn ashýǵa múmkindik beredi. QR Parlamentiniń VIII shaqyrylymdaǵy alǵashqy sessııasynyń ashylýynda Memleket basshysy aýyl turǵyndaryna 5-7 jylǵa jyldyq ósimi 2,5 paıyz bolatyn shaǵyn nesıe beriletinin málimdedi. «AMANAT» partııasy atalǵan jobany Úkimetpen birlesip júzege asyrýda.
«AMANAT»-tyń Hatshysy Eldar Jumaǵazıevtiń aıtýynsha, joba aıasynda sharýalar óńirlik áleýmettik-kásipkerlik korporaııasy arqyly nesıe rásimdeı alady; lızıngke aýyl sharýashylyǵy tehnıkasyn ala alady, al tehnıka qunynyń 50%-yn memleket sýbsıdııalaıdy; servıstik-ótkizý kooperatıvterin qura alady jáne taǵy basqa.
«AMANAT» partııasy aýyldyń ál-aýqatyn jaqsartý, aýyl sharýashylyǵyn qoldaý – memlekettiń strategııalyq mindetteriniń biri ekenine senimdi. Jeke qosalqy jáne sharýa qojalyqtary, fermalar, aýyl sharýashylyǵy ónimderin qaıta óńdeý kásiporyndary árdaıym túsinikti jáne turaqty erejeler boıynsha qoldaýǵa ıe bolýy tıis. Sondyqtan biz Úkimet múshelerimen birlesip «Aýyl amanaty» jobasy aıasynda Prezıdent tapsyrmalaryn oryndaý maqsatynda jergilikti jerlerde qabyldanatyn sharalarmen tanysyp jatyrmyz. Bul joba aýyl turǵyndaryna óz isin ashýǵa múmkindik bere otyryp, halyqtyń tabysyn arttyrýǵa yqpal etedi. Partııa tarapynan aqparattyq-túsindirý jumysyn júrgizip, jobaǵa qatysýshylardy oqytamyz», - dedi Eldar Jumaǵazıev.
Al Premer-Mınıstrdiń orynbasary Altaı Kólginov Mahambet aýdanynyń turǵyndarymen kezdesý kezinde «Aýyl amanaty» jobasy aýyldaǵy jumyspen qamtý máselesin sheshýge septigin tıgizetinin jetkizdi.
«Kóktem – bastamany óz qolyńyzǵa alý, óz bıznesińizdi bastaý ýaqyty. Onyń ústine memleket jeke qosalqy sharýashylyqty nemese kásipkerlikti damytý úshin jeńildetilgen paıyzdyq mólsherlememen qolaıly jaǵdaılar, nesıelik demalystar jáne basqa da múmkindikter beredi. Oblys ákimdiginiń tapsyrysyna sáıkes «Aýyl amanaty» baǵdarlamasyn júzege asyrý úshin Atyraý oblysyna 1 mlrd 504 mln teńge bólindi. Bul qarajatqa 188 nesıe berip, 200-ge jýyq jeke qosalqy sharýashylyq qurý josparlanýda», - dedi Premer-Mınıstrdiń orynbasary.
Óz kezeginde, kezdesýge qatysqan sharýa qojalyǵynyń basshysy Asqar Tasqalıev daıyn ónimdi halyqqa qoljetimdi baǵamen jetkizý úshin memleket qoldaýy qajet ekenin atap ótti.
«Ónim ótkizýge qatysty birqatar másele bar. Sebebi janarmaı, tyńaıtqysh, jumysshylarǵa tólenetin jalaqy quny ósip jatyr. Alaıda barlyq shyǵyndy túpki ónim qunyna qosatyn bolsaq, sharýalar tutynýshysyz qalady», – dedi ol.
Aıta keteıik, byltyr 40 kúndik aýqymdy aqparattyq marafon uıymdastyryldy. «AMANAT»-tyń trenerleri mobıldi toptar quramynda 28 shilde men 10 qyrkúıek aralyǵynda elimizdegi 179 aýdannyń 425 aýyly men aýyldyq okrýginde 250 myń azamatty qamtı otyryp, kezdesý ótkizdi. Al partııanyń Saıası menedjment akademııasy aýyl, aýyldyq okrýg ákimderi jáne «AMANAT»-tyń aýmaqtyq fılıaldarynyń atqarýshy hatshylary úshin halyqtyń ekonomıkalyq belsendiligin arttyrý salasyndaǵy quzyretterdi damytý boıynsha erekshe kýrstar ótkizdi. Oǵan 2346 adam qatysty.
