بۇل تۋرالى ءىىم كريمينالدىق پوليتسيا دەپارتامەنتى كيبەرقىلمىسقا قارسى كۇرەس ورتالىعىنىڭ باستىعى جاندوس ءسۇيىنباي ايتتى، دەپ حابارلايدى "ادىرنا" ۇلتتىق پورتالى.
ونىڭ اتاپ وتۋىنشە، ينتەرنەت-الاياقتىقتىڭ كەڭ تاراعان ادىستەرىنىڭ ءبىرى – بانك قىزمەتكەرلەرى مەن قۇقىق قورعاۋ ورگاندارىنىڭ اتىنان قوڭىراۋ شالۋ.
«قازىر شەتەلدەن جاسالعان قوڭىراۋلاردى وپەراتورلار تانيدى جانە بۇعاتتايدى. تەك جىل باسىنان بەرى 15 ملن وسىنداي قوڭىراۋلار توقتاتىلدى. سونىمەن قاتار الاياقتار ازاماتتاردى الداۋدىڭ جاڭا جولدارىن ىزدەۋدە. قازىر شەتەلدىك نومىرلەردەن جانە «ۆاتساپ» ارقىلى قوڭىراۋ شالۋ ارقىلى جاسالعان الاياقتىقتار تىركەلۋدە. تىركەلۋدىڭ جالپى تومەندەۋىنە قاراماستان، 3 ايدا بانك قىزمەتكەرلەرىنىڭ اتىنان 400-دەن اسا قىلمىس جاسالدى. ولاردىڭ باسىم بولىگى ازاماتتارعا ونلاين-قارىزداردى رەسىمدەۋمەن بايلانىستى»، - دەيدى جاندوس ءسۇيىنباي.وسى ورايدا ول بانك نەمەسە پوليتسيا قىزمەتكەرلەرى ەشقاشان دەربەس دەرەكتەردى سۇرامايتىنىن جانە تەلەفون ارقىلى ارناۋلى وپەراتسيا جۇرگىزبەيتىنىن اتاپ ءوتتى.
«مينيسترلىك وسىنداي قىلمىستاردىڭ الدىن الۋعا جانە اشۋعا باعىتتالعان ۇيىمداستىرۋ ءىس-شارالارىن قابىلداۋدا. بانكتەرمەن بىرلەسىپ، ازاماتتاردىڭ شوتتارىنىڭ ساقتالۋىن قامتاماسىز ەتۋ جانە زاڭسىز كرەديتتەردى رەسىمدەۋدىڭ جولىن كەسۋ، ونىڭ ىشىندە پوليتسيامەن جەدەل ءوزارا ءىس-قيمىل بويىنشا قوسىمشا ءىس-شارالار ىسكە اسىپ جاتىر»، - دەدى ول.
