Būl turaly IIM kriminaldyq polisiia departamentı kiberqylmysqa qarsy küres ortalyǧynyŋ bastyǧy Jandos Süiınbai aitty, dep habarlaidy "Adyrna" ūlttyq portaly.
Onyŋ atap ötuınşe, internet-alaiaqtyqtyŋ keŋ taraǧan ädısterınıŋ bırı – bank qyzmetkerlerı men qūqyq qorǧau organdarynyŋ atynan qoŋyrau şalu.
«Qazır şetelden jasalǧan qoŋyraulardy operatorlar tanidy jäne būǧattaidy. Tek jyl basynan berı 15 mln osyndai qoŋyraular toqtatyldy. Sonymen qatar alaiaqtar azamattardy aldaudyŋ jaŋa joldaryn ızdeude. Qazır şeteldık nömırlerden jäne «Vatsap» arqyly qoŋyrau şalu arqyly jasalǧan alaiaqtyqtar tırkelude. Tırkeludıŋ jalpy tömendeuıne qaramastan, 3 aida bank qyzmetkerlerınıŋ atynan 400-den asa qylmys jasaldy. Olardyŋ basym bölıgı azamattarǧa onlain-qaryzdardy resımdeumen bailanysty», - deidı Jandos Süiınbai.Osy oraida ol bank nemese polisiia qyzmetkerlerı eşqaşan derbes derekterdı sūramaitynyn jäne telefon arqyly arnauly operasiia jürgızbeitının atap öttı.
«Ministrlık osyndai qylmystardyŋ aldyn aluǧa jäne aşuǧa baǧyttalǧan ūiymdastyru ıs-şaralaryn qabyldauda. Banktermen bırlesıp, azamattardyŋ şottarynyŋ saqtaluyn qamtamasyz etu jäne zaŋsyz kreditterdı resımdeudıŋ jolyn kesu, onyŋ ışınde polisiiamen jedel özara ıs-qimyl boiynşa qosymşa ıs-şaralar ıske asyp jatyr», - dedı ol.
