ناتو ەلدەرىنىڭ ۋكرايناعا كورسەتكەن اسكەري كومەگىنىڭ كولەمى 55 ميلليارد دوللاردى قۇرادى. بۇل تۋرالى اقش قورعانىس ءمينيسترى للويد وستين ايتتى، دەپ حابارلايدى «ادىرنا» ءتىلشىسى.
«ۇيىم رەسەي مەن ۋكراينا اراسىنداعى سوعىس باستالعاننان بەرى كيەۆكە 55 ميلليارد دوللار كولەمىندە اسكەري كومەك كورسەتتى»،—دەدى ول رامشتاين قالاسىندا ءوتىپ جاتقان ۋكراينا بويىنشا بايلانىس توبىنىڭ كەزەكتى وتىرىسى الدىندا.
سونداي-اق مينيستر سولتۇستىك اتلانتيكالىق اليانستان ۋكرايناعا قارۋ-جاراق پەن باسقا دا اسكەري قولداۋ تۇرلەرىن جەتكىزۋ قۇنى سوعىس باستالعاننان بەرى 10 ەسەگە وسكەنىن اتاپ ءوتتى.
