«قازمۇنايگاز» ۇلتتىق كومپانياسى جاڭاوزەندەگى جارىلىستا باسپاناسىنان ايىرىلعاندارعا جاڭا پاتەرلەر بەرەدى، دەپ حابارلايدى "ادىرنا" ۇلتتىق پورتالى.
«قازمۇنايگاز» ۇك اق جاڭاوزەن قالاسىنداعى تج سالدارىنان قازا تاپقانداردىڭ وتباسىنا، تۋىستارى مەن جاقىندارىنا كوڭىل ايتادى جانە زارداپ شەككەندەردىڭ بارلىعىنىڭ تەزىرەك ساۋىعىپ كەتۋىن تىلەيدى. باسپاناسىز قالعان وتباسىلار جاڭا پاتەر الادى، زارداپ شەككەندەرگە ورتالىق جانە جەرگىلىكتى اتقارۋشى ورگاندارمەن بىرلەسىپ، بارلىق قاجەتتى كومەك كورسەتىلەدى»، - دەپ حابارلادى «قازمۇنايگاز» ۇك اق ءباسپاسوز قىزمەتى.
ەسكە سالا كەتسەك، بۇگىن تاڭعى 5-تە جاڭاوزەندە تۇرعىن ۇيدە جارىلىس بولىپ، 13 ادام زارداپ شەكتى. وقيعا ورنىن ارشۋ جۇمىستارىنا ماڭعىستاۋ وبلىسى توتەنشە جاعدايلار دەپارتامەنتىنىڭ 50-دەن استام قۇتقارۋشى، 10 تەحنيكا، جەدەل مەديتسينالىق كومەك جانە جەرگىلىكتى اتقارۋشى ورگانداردىڭ قىزمەتكەرلەرى جۇمىلدىرىلدى.
