«QazMunaıGaz» ulttyq kompanııasy Jańaózendegi jarylysta baspanasynan aıyrylǵandarǵa jańa páterler beredi, dep habarlaıdy "Adyrna" ulttyq portaly.
«QazMunaıGaz» UK AQ Jańaózen qalasyndaǵy TJ saldarynan qaza tapqandardyń otbasyna, týystary men jaqyndaryna kóńil aıtady jáne zardap shekkenderdiń barlyǵynyń tezirek saýyǵyp ketýin tileıdi. Baspanasyz qalǵan otbasylar jańa páter alady, zardap shekkenderge ortalyq jáne jergilikti atqarýshy organdarmen birlesip, barlyq qajetti kómek kórsetiledi», - dep habarlady «QazMunaıGaz» UK AQ baspasóz qyzmeti.
Eske sala ketsek, búgin tańǵy 5-te Jańaózende turǵyn úıde jarylys bolyp, 13 adam zardap shekti. Oqıǵa ornyn arshý jumystaryna Mańǵystaý oblysy Tótenshe jaǵdaılar departamentiniń 50-den astam qutqarýshy, 10 tehnıka, jedel medıınalyq kómek jáne jergilikti atqarýshy organdardyń qyzmetkerleri jumyldyryldy.
