جامبىل وبلىسىنىڭ قوعام بەلسەندىسى بەرىكبول ۆاليحانوۆ ءوزىن قۋدالاۋ جالعاساتىن بولسا، اپەللياتسيالىق شاعىم تۇسىرەتىنىن جانە اكىمشىلىك سوتتىڭ الدىنا ءوز-ءوزىن ورتەپ جىبەرۋگە ءماجبۇر بولاتىنىن ايتتى. بۇل تۋرالى ول Facebook پاراقشاسىنا ۆيدەو جاريالادى، دەپ حابارلايدى “ادىرنا” ۇلتتىق پورتالى.
جامبىل وبلىسى دەنساۋلىق ساقتاۋ باسقارماسىنىڭ باسشىسى - وسپانوۆا جانار مىقتىبەكقىزى قوعام بەلسىندىسى - بەرىكبول ۆاليحانوۆتىڭ ۇستىنەن ارزدانعان. سوت شەشىمىنە سايكەس، بەرىكبول ۆاليحانوۆ ايىپتى دەپ تانىلىپ، اكىمشىلىك جازاعا تارتىلعان. الايدا بۇل شەشىمگە قوعام بەلسەندىسى بەرىكبول ۆاليحانوۆتىڭ ءوزى قارسى.
“اپەللياتسيالىق شاعىم تۇسىرەمىن، ەگەر بۇل قۋدالاۋلار باستالسا، مەن اكىمشىلىك سوتتىڭ الدىندا تۇرىپ، وسى ماسەلەنى كوتەرەمىن. وزىممەن بىرنەشە ليتر بەنزين، تەلەفون، وتتىق الام، بəرىنەن شارشاعاندىقتان وسى قادامعا بارامىن. ولار مەنى سوتقا بەردى، مەن دە وسى قادامعا بارامىن. بۇرىن تالعات قىرىقپاەۆ قالالىق سوتتىڭ الدىندا ءوزىن ورتەپ جىبەرمەك بولعاندا مەن ونى قۇتقارىپ قالدىم. مەن ول كەزدە سەنبەگەن ەدىم.
بۇل جەردە ادىلدىك جوق. تاراز وبلىسىندا دا، جامبىل سوتىندا دا ادىلدىك جوق. سوت نە قالايدى، سونى جاسايدى.
ءبارى وسپانوۆا حانىمنان قورقادى. كىم ول؟ ول شىمكەنتتىڭ شاردارا دەگەن جەرىنەن كەلگەن. مەن ونىڭ بىلىقتارىن اشىپ بەرە الامىن. نەمەسە ونىڭ انتيكورمەن سويلەسكەن جازباسىن جاريالاي الامىن. ولاردىڭ باسى كەتەدى، وبلىستىڭ اكىمىنىڭ دە، انتيكوردىڭ باسشىسى دا جانە دەنساۋلىق ساقتاۋ باسشىلىعىنىڭ دا بىلىعى اشىلادى. ماعان انتيكور: “ەشتەڭە ىستەي المايمىز، وسپانوۆانىڭ “كوكەسى” بار” دەيدى.
وسى ءۇشىن ورتەۋ قالدى ما؟ سەبەبى، وبلىستا ءوزىنىڭ قالاعانىن ىستەپ وتىرعان ءبىر اداممەن كۇرەسە الماي وتىرمىز.
شىندىقتى ايتىپ، جانتالاسىپ جۇگىرىپ، حالىقتىڭ جاعدايىن ويلاپ ءجۇرمىن. جامبىل وبلىسىنىڭ اۋرۋحاناسى 623 ملن تەڭگەگە قارىزعا باتقان. جۇمىسشىلارى ەڭبەك دەمالىسىن، زەينەتاقىسىن، اقشاسىن الا الماي جاتىر. ولارعا ەشقانداي كومەك جوق. دەنساۋلىق ساقتاۋ ءمينيسترى قايدا؟ ول بىزدە نەگە ەستىمەيدى؟”،- دەدى ول.
