Jambyl oblysynyń qoǵam belsendisi Berikbol Valıhanov ózin qýdalaý jalǵasatyn bolsa, apellıaııalyq shaǵym túsiretinin jáne ákimshilik sottyń aldyna óz-ózin órtep jiberýge májbúr bolatynyn aıtty. Bul týraly ol Facebook paraqshasyna vıdeo jarııalady, dep habarlaıdy “Adyrna” ulttyq portaly.
Jambyl oblysy densaýlyq saqtaý basqarmasynyń basshysy - Ospanova Janar Myqtybekqyzy qoǵam belsindisi - Berikbol Valıhanovtyń ústinen arzdanǵan. Sot sheshimine sáıkes, Berikbol Valıhanov aıypty dep tanylyp, ákimshilik jazaǵa tartylǵan. Alaıda bul sheshimge qoǵam belsendisi Berikbol Valıhanovtyń ózi qarsy.
“Apellıaııalyq shaǵym túsiremin, eger bul qýdalaýlar bastalsa, men ákimshilik sottyń aldynda turyp, osy máseleni kóteremin. Ózimmen birneshe lıtr benzın, telefon, ottyq alam, bərinen sharshaǵandyqtan osy qadamǵa baramyn. Olar meni sotqa berdi, men de osy qadamǵa baramyn. Buryn Talǵat Qyryqpaev qalalyq sottyń aldynda ózin órtep jibermek bolǵanda men ony qutqaryp qaldym. Men ol kezde senbegen edim.
Bul jerde ádildik joq. Taraz oblysynda da, Jambyl sotynda da ádildik joq. Sot ne qalaıdy, sony jasaıdy.
Bári Ospanova hanymnan qorqady. Kim ol? Ol Shymkenttiń Shardara degen jerinen kelgen. Men onyń bylyqtaryn ashyp bere alamyn. Nemese onyń antıkormen sóılesken jazbasyn jarııalaı alamyn. Olardyń basy ketedi, oblystyń ákiminiń de, antıkordyń basshysy da jáne densaýlyq saqtaý basshylyǵynyń da bylyǵy ashylady. Maǵan Antıkor: “eshteńe isteı almaımyz, Ospanovanyń “kókesi” bar” deıdi.
Osy úshin órteý qaldy ma? Sebebi, oblysta óziniń qalaǵanyn istep otyrǵan bir adammen kúrese almaı otyrmyz.
Shyndyqty aıtyp, jantalasyp júgirip, halyqtyń jaǵdaıyn oılap júrmin. Jambyl oblysynyń aýrýhanasy 623 mln teńgege qaryzǵa batqan. Jumysshylary eńbek demalysyn, zeınetaqysyn, aqshasyn ala almaı jatyr. Olarǵa eshqandaı kómek joq. Densaýlyq saqtaý mınıstri qaıda? Ol bizde nege estimeıdi?”,- dedi ol.
