تۇركىستان وبلىسىنىڭ ورداباسى اۋدانىندا 9-سىنىپتا وقيتىن قىزدىڭ ءمايىتى تابىلدى. قازىر ونى ءولتىردى دەگەن كۇدىكپەن 11-سىنىپ وقۋشىسى ۇستالدى. بۇل تۋرالى وبلىستىق پوليتسيا دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، وقۋشى قىزدىڭ ءمايىتى 9 ساۋىردە ورداباسى اۋدانىنداعى سۋارۋ كانالىنان تابىلعان.
"قازىرگى تاڭدا ءجاسوسپىرىم قىزدى ءولتىردى دەگەن كۇدىكتى پوليتسيا بولىمىنە جەتكىزىلىپ، قاماۋعا الىندى. اتالعان جايتقا بايلانىستى قر قك-ءنىڭ 99-بابى 2-بولىگى "ادام ءولتىرۋ" بويىنشا سوتقا دەيىنگى تەرگەۋ جۇرگىزىلۋدە. سوت-مەديتسينالىق ساراپتاماسى تاعايىندالدى. تەرگەۋ ءىسى تۇركىستان وبلىسى پوليتسيا دەپارتامەنتى باسشىلىعىنىڭ جەكە باقىلاۋىندا", دەلىنگەن حابارلامادا.
