اقش-تىڭ بۇرىنعى پرەزيدەنتى دونالد ترامپ ءۇشىنشى دۇنيەجۇزىلىك سوعىس بولۋى مۇمكىن ەكەنىن تاعى ءبىر مارتە ەسكەرتتى. بۇل تۋرالى ول Fox News ارناسىنا بەرگەن سۇحباتىندا ايتتى، دەپ حابارلايدى «ادىرنا» ءتىلشىسى.
ونىڭ پىكىرىنشە، اقش بيلىگىنىڭ دارمەنسىزدىگى جاڭا قاقتىعىسقا اپارادى.
«قازىر ادامزات قارۋلانۋعا بايلانىستى تاريحتاعى ەڭ قاۋىپتى كەزەڭدە ءومىر ءسۇرىپ جاتىر. ال ءبىزدىڭ باسشىلىعىمىزدا بىلىكسىز ادامدار وتىر»،—دەدى ترامپ.
بۇعان دەيىن ەكس-باسشى مار-ا-لاگو رەزيدەنتسياسىنان ۇندەۋ ايتىپ، ونىڭ ەلى «توزاققا» بارا جاتقانىن مالىمدەگەن ەدى. ول ءوزىن ءۇشىنشى دۇنيەجۇزىلىك سوعىستىڭ الدىن الۋعا ۋادە بەرە الاتىن اقش پرەزيدەنتتىگىنە جالعىز ۇمىتكەر سانايدى.
