بۇل تۋرالى عىلىم جانە تەحنولوگيالار جونىندەگى ۇلتتىق كەڭەستىڭ وتىرىسىندا ۇكىمەت باسشىسى ءاليحان سمايىلوۆ ايتتى، دەپ حابارلايدى "ادىرنا" ۇلتتىق پورتالى.
«وتاندىق عىلىمدى دامىتۋ ءۇشىن ۇكىمەت جۇيەلى ءىس-شارالاردى قابىلداۋدا. عالىمدارمەن جانە ساراپشىلارمەن بىرلەسىپ، ءبىز جوعارى ءبىلىم جانە عىلىمدى دامىتۋدىڭ 2029 جىلعا دەيىنگى جاڭا تۇجىرىمداماسىن ازىرلەپ بەكىتتىك، جاقىندا. ونىڭ اياسىندا عالىمداردىڭ سانىن 1,5 ەسەگە ۇلعايتۋ، عىلىمي ينستيتۋتتاردى دامىتۋ، عىلىمي-زەرتتەۋلەردى كوممەرتسيالاندىرۋ، جاستاردى عىلىمعا تارتۋ جانە ۋنيۆەرسيتەت عىلىمىن دامىتۋ كوزدەلەدى»، - دەدى ءاليحان سمايىلوۆ.
ونىڭ اتاپ وتۋىنشە، مەملەكەت باسشىسىنىڭ تاپسىرماسىنا سايكەس، عىلىمدى قارجىلاندىرۋ 2020 جىلعى 89 ميلليارد تەڭگەدەن بيىل ونىڭ كولەمى 160 ميلليارد تەڭگەگە دەيىن ۇلعايتىلدى. 2025 جىلعا قاراي قارجىلاندىرۋ كولەمىن 240 ميلليارد تەڭگەگە دەيىن ارتتىرۋ جوسپارلانىپ وتىر.
وتكەن جىلى عالىمداردىڭ جالاقىسى ەكى ەسە ءوستى. بيىل 20 پايىزعا كوبەيدى، الداعى جىلدارى جىل سايىن 20 پايىزعا ارتادى.
