Bul týraly Ǵylym jáne tehnologııalar jónindegi ulttyq keńestiń otyrysynda Úkimet basshysy Álıhan Smaıylov aıtty, dep habarlaıdy "Adyrna" ulttyq portaly.
«Otandyq ǵylymdy damytý úshin Úkimet júıeli is-sharalardy qabyldaýda. Ǵalymdarmen jáne sarapshylarmen birlesip, biz joǵary bilim jáne ǵylymdy damytýdyń 2029 jylǵa deıingi jańa tujyrymdamasyn ázirlep bekittik, jaqynda. Onyń aıasynda ǵalymdardyń sanyn 1,5 esege ulǵaıtý, ǵylymı ınstıtýttardy damytý, ǵylymı-zertteýlerdi kommerııalandyrý, jastardy ǵylymǵa tartý jáne ýnıversıtet ǵylymyn damytý kózdeledi», - dedi Álıhan Smaıylov.
Onyń atap ótýinshe, Memleket basshysynyń tapsyrmasyna sáıkes, ǵylymdy qarjylandyrý 2020 jylǵy 89 mıllıard teńgeden bıyl onyń kólemi 160 mıllıard teńgege deıin ulǵaıtyldy. 2025 jylǵa qaraı qarjylandyrý kólemin 240 mıllıard teńgege deıin arttyrý josparlanyp otyr.
Ótken jyly ǵalymdardyń jalaqysy eki ese ósti. Bıyl 20 paıyzǵa kóbeıdi, aldaǵy jyldary jyl saıyn 20 paıyzǵa artady.
