ءماجىلىس دەپۋتاتى ارداق نازاروۆ ەلىمىزدە لگبت-نى ناسيحاتىن شەكتەۋ شارالارىن دەرەۋ قولعا الۋ ماسەلەسىن كوتەردى، دەپ حابارلايدى "ادىرنا" ۇلتتىق پورتالى.
«ءبىز ەكونوميكانى رەتتەيمىز، ساياساتپەن اينالىسامىز دەپ ءجۇرىپ، يدەولوگيا ماسەلەسىن ەستەن شىعارماۋىمىز كەرەك. مەملەكەت ىرگەسىنىڭ بەرىك بولۋى، حالىقتىڭ باياندى ءومىر ءسۇرۋى ءۇشىن ەڭ الدىمەن، ءدال وسى يدەولوگيا سالاسىن رەتتەۋىمىز قاجەت. ونى ءبارىڭىز بىلەسىز. وزدەرىڭىزگە ءمالىم، 8 ساۋىردە استانادا فەمينيستەر شەرۋى ءوتتى. بۇل كۇنى تۇرمىستىق زورلىق-زومبىلىققا قارسى ميتينگ بولادى دەگەن. بىراق، ولاي بولمادى، جينالعاندار ايەل تەڭدىگىن ايتۋدان باستاپ، سوڭىندا گوموسەكسۋاليزمدى ناسيحاتتادى. ورىمدەي بالالار، اراسىندا وقۋشىلار دا بار، لگبت جالاۋىن جامىلىپ ءجۇر. جالپى، سوڭعى كەزدە ەلىمىزدىڭ اقپارات كەڭىستىگىندە بىرجىنىستىق نەكە، گوموسەكسۋاليزم، جىنىستى اۋىستىرۋ سەكىلدى ماسەلەلەر ەركىن ناسيحاتتالىپ جاتىر»، - دەدى ول.
