استانا قالاسىنداعى ەنەرگەتيكا مينيسترلىگى عيماراتىنىڭ الدىندا نارازىلىق تانىتقان جاڭاوزەندىكتەردى ارنايى جاساق ۇستاپ اكەتتى، دەپ حابارلايدى "ادىرنا" ۇلتتىق پورتالى "ۆلاست"-قا سىلتەمە كورسەتە وتىرىپ.
الدىمەن جاساقتاعىلار نارازىلىق بىلدىرگەن مۇنايشىلاردىڭ توڭىرەگىندە توپتانىپ، شەڭبەر قۇرىپ، كەتتلينگ ءادىسىن قولداندى. سول جەرگە كەلگەن ەسىل اۋدانىنىڭ پروكۋرورى جاڭوزەندىكتەردىڭ ارەكەتىن زاڭعا قايشى دەپ ايىپتاپ، ولاردىڭ تاراۋىن تالاپ ەتتى. ارنايى باتىستان كەلگەن مۇنايشىلار نارازىلىق قادامدارىنىڭ جالعاساتىنىن جەتكىزىپ، مينيسترلىك عيماراتى الدىنان كەتۋدەن باس تارتتى. ىلەزدە مينيسترلىك توڭىرەگىن قورىعان جاساق جىلدام جينالىپ، ولاردى ۇرىپ-سوعىپ، ۇستاي باستادى.
View this post on Instagram
ەنەرگەتيكا مينيسترلىگى عيماراتىنىڭ الدىندا ءبىر تاۋلىككە جۋىق تۇرعان مۇنايشىلاردىڭ تولىق ۇستالعانى بەلگىلى بولىپ وتىر.
ەستەرىڭىزگە سالا كەتەيىك، ءبىر كۇن بۇرىن 80-گە جۋىق ازامات مينيسترلىك عيماراتىنىڭ الدىندا جينالدى. دۇيسەنبى كۇنى ولاردىڭ ساپىنا جۇمىستان قۋىلعان جاڭاوزەندىكتەر قوسىلىپ، سانى 150-گە دەيىن ارتتى. ولار وزدەرى جۇمىس ىستەيتىن كومپانيانىڭ تەندەرىن "كەزبي" مەن «Ai-Bis» كومپانياسىنىڭ ۇتىپ العانىنا نارازى. الايدا ۇكىمەت ولاردىڭ تالابىن قاناعاتتاندىرمادى.
"ادىرنا" ۇلتتىق پورتالى
