Astana qalasyndaǵy Energetıka mınıstrligi ǵımaratynyń aldynda narazylyq tanytqan jańaózendikterdi arnaıy jasaq ustap áketti, dep habarlaıdy "Adyrna" ulttyq portaly "Vlast"-qa silteme kórsete otyryp.
Aldymen jasaqtaǵylar narazylyq bildirgen munaıshylardyń tóńireginde toptanyp, sheńber quryp, kettlıng ádisin qoldandy. Sol jerge kelgen Esil aýdanynyń prokýrory jańózendikterdiń áreketin zańǵa qaıshy dep aıyptap, olardyń taraýyn talap etti. Arnaıy batystan kelgen munaıshylar narazylyq qadamdarynyń jalǵasatynyn jetkizip, mınıstrlik ǵımaraty aldynan ketýden bas tartty. Ilezde mınıstrlik tóńiregin qoryǵan jasaq jyldam jınalyp, olardy uryp-soǵyp, ustaı bastady.
View this post on Instagram
Energetıka mınıstrligi ǵımaratynyń aldynda bir táýlikke jýyq turǵan munaıshylardyń tolyq ustalǵany belgili bolyp otyr.
Esterińizge sala keteıik, bir kún buryn 80-ge jýyq azamat mınıstrlik ǵımaratynyń aldynda jınaldy. Dúısenbi kúni olardyń sapyna jumystan qýylǵan jańaózendikter qosylyp, sany 150-ge deıin artty. Olar ózderi jumys isteıtin kompanııanyń tenderin "Kezbı" men «Ai-Bis» kompanııasynyń utyp alǵanyna narazy. Alaıda Úkimet olardyń talabyn qanaǵattandyrmady.
"Adyrna" ulttyq portaly
