بەلسەندى جانبولات ماماي سوت ۇكىمى بويىنشا 6 جىلعا شارتتى تۇردە سوتتالدى، دەپ حابارلايدى "ادىرنا" ۇلتتىق پورتالى.
جانبولات مامايعا جۋرناليستيكامەن اينالىسۋعا، قوعامدىق ۇيىمداردىڭ جۇمىسىنا ارالاسۋعا تىيىم سالىندى.
ماماي ءۇش قىلمىستىق باپ بويىنشا كىنالى دەپ تانىلعان. ولار: "كورىنەۋ جالعان اقپارات تاراتۋ" (274-باپ), "بيلىك وكىلىن قورلاۋ" (378-باپ) جانە "تارتىپسىزدىك ۇيىمداستىرۋ" (272-باپ).
بەلسەندىنىڭ قوعامدىق جانە ساياسي ومىرگە قاتىسۋىنا تىيىم سالىندى. سونداي-اق ودان 800 مىڭ تەڭگە اقشا وندىرىلەتىنى ايتىلدى.
ۇكىم زاڭدى كۇشىنە ەنگەنشە ول ۇيقاماقتا بولادى. ماماي سوت ۇكىمىنىڭ ساياسي استارى بار ەكەنىن ايتىپ، قارسى شاعىم تۇسىرەتىنىن جەتكىزدى.
“سوت بارىسىندا ون شاقتى كۋاگەرلەردەن جاۋاپ الىندى جانە ولاردىڭ بارلىعى مەنىڭ تارتىپسىزدىككە شاقىرماعانىمدى ايتتى. بىراق سوعان قاراماستان سوتتىڭ وسىنداي شەشىم شىعارۋىنىڭ ساياسي استارى بار دەپ ەسەپتەيمىن. البەتتە ءبىز بۇل شەشىممەن كەلىسپەيمىز. اپەللياتسيالىق شاعىم تۇسىرەمىز”، – دەدى ماماي سوتتا.
