Belsendi Janbolat Mamaı sot úkimi boıynsha 6 jylǵa shartty túrde sottaldy, dep habarlaıdy "Adyrna" ulttyq portaly.
Janbolat Mamaıǵa jýrnalıstıkamen aınalysýǵa, qoǵamdyq uıymdardyń jumysyna aralasýǵa tyıym salyndy.
Mamaı úsh qylmystyq bap boıynsha kináli dep tanylǵan. Olar: "kórineý jalǵan aqparat taratý" (274-bap), "bılik ókilin qorlaý" (378-bap) jáne "tártipsizdik uıymdastyrý" (272-bap).
Belsendiniń qoǵamdyq jáne saıası ómirge qatysýyna tyıym salyndy. Sondaı-aq odan 800 myń teńge aqsha óndiriletini aıtyldy.
Úkim zańdy kúshine engenshe ol úıqamaqta bolady. Mamaı sot úkiminiń saıası astary bar ekenin aıtyp, qarsy shaǵym túsiretinin jetkizdi.
“Sot barysynda on shaqty kýágerlerden jaýap alyndy jáne olardyń barlyǵy meniń tártipsizdikke shaqyrmaǵanymdy aıtty. Biraq soǵan qaramastan sottyń osyndaı sheshim shyǵarýynyń saıası astary bar dep esepteımin. Álbette biz bul sheshimmen kelispeımiz. Apellıaııalyq shaǵym túsiremiz”, – dedi Mamaı sotta.
