مەملەكەت باسشىسى قاسىم-جومارت توقاەۆ رەسمي ساپارمەن كەلگەن ازەربايجان رەسپۋبليكاسىنىڭ پرەزيدەنتى يلحام اليەۆتى اقوردادا قارسى الدى، دەپ حابارلايدى "ادىرنا" ۇلتتىق پورتالى.
مارتەبەلى مەيماننىڭ ساپارىنا وراي سالتاناتتى راسىمدەر زالىندا قۇرمەت قاراۋىلى ساپ تۇزەپ، ونىڭ باستىعى مەملەكەت باسشىلارىنا سالەمدىك بايانات بەردى. وسىدان كەيىن پرەزيدەنتتىك وركەستر ەكى ەلدىڭ مەملەكەتتىك ءانۇراندارىن ورىندادى. ءانۇرانداردى تىڭداپ بولعاننان كەيىن يلحام اليەۆ پەن قاسىم-جومارت توقاەۆ كىلەمشە بويىمەن قازاقستان رەسپۋبليكاسىنىڭ مەملەكەتتىك تۋىنا قاراي ءجۇردى. ونىڭ الدىنا كەلگەندە مەيمان توقتاپ، باسىن ءسال ءيىپ، ءوزىنىڭ قۇرمەتىن ءبىلدىردى. سونان سوڭ مەيمان مەن پرەزيدەنت قۇرمەتتى قاراۋىل ساپىنىڭ بويىمەن ءجۇردى. ازەربايجان باسشىسى قۇرمەتتى قاراۋىل باستىعىمەن قوشتاسىپ، قازاقستان پرەزيدەنتىمەن شاعىن قۇرامداعى كەزدەسۋگە ءوتتى.
بۇعان دەيىن استانادا ەكى ەل باسشىلارى شاعىن جانە كەڭەيتىلگەن قۇرامدا كەزدەسۋ وتكىزەدى دەپ جوسپارلانعانىن حابارلاعان ەدىك. كەلىسسوزدەر بارىسىندا قازاقستان مەن ازەربايجان اراسىنداعى ستراتەگيالىق سەرىكتەستىكتى دامىتۋدىڭ نەگىزگى ماسەلەلەرى تالقىلانادى.
