Memleket Basshysy Qasym-Jomart Toqaev resmı saparmen kelgen Ázerbaıjan Respýblıkasynyń Prezıdenti Ilham Álıevti Aqordada qarsy aldy, dep habarlaıdy "Adyrna" ulttyq portaly.
Mártebeli meımannyń saparyna oraı Saltanatty rásimder zalynda qurmet qaraýyly sap túzep, onyń bastyǵy Memleket basshylaryna sálemdik baıanat berdi. Osydan keıin Prezıdenttik orkestr eki eldiń memlekettik ánurandaryn oryndady. Ánurandardy tyńdap bolǵannan keıin Ilham Álıev pen Qasym-Jomart Toqaev kilemshe boıymen Qazaqstan Respýblıkasynyń Memlekettik Týyna qaraı júrdi. Onyń aldyna kelgende meıman toqtap, basyn sál ıip, óziniń qurmetin bildirdi. Sonan soń meıman men Prezıdent qurmetti qaraýyl sapynyń boıymen júrdi. Ázerbaıjan basshysy qurmetti qaraýyl bastyǵymen qoshtasyp, Qazaqstan Prezıdentimen shaǵyn quramdaǵy kezdesýge ótti.
Buǵan deıin Astanada eki el basshylary shaǵyn jáne keńeıtilgen quramda kezdesý ótkizedi dep josparlanǵanyn habarlaǵan edik. Kelissózder barysynda Qazaqstan men Ázerbaıjan arasyndaǵy strategııalyq seriktestikti damytýdyń negizgi máseleleri talqylanady.
