پەتروپاۆل قالاسىندا 5 «م» باعىتىنداعى اۆتوبۋستا جولاۋشى قاجەتتى ايالدامانى وتكىزىپ الىپ، جول اقىسىن تولەمەستەن اۆتوبۋستىڭ ورتاسىنداعى ەسىكتەن شىقپاق بولعان، دەپ حابارلايدى "ادىرنا" ۇلتتىق پورتالى.
اۆتوبۋس قيزاتوۆ كوشەسىندەگى ايالدامادا توقتاپ تۇرعان كەزدە ەر ادام جۇرگىزۋشىمەن جانە باسقا جولاۋشىمەن جانجالداسىپ، بۇزاقىلىق ارەكەتتەرىن جاساعان.
وسى فاكتى بويىنشا وبلىس ورتالىعىنىڭ 67 جاستاعى تۇرعىنى ۇستالدى.
قر قك 293-بابىنىڭ 1-بولىگى («بۇزاقىلىق») بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلدى. قازىر تەرگەۋ جۇرگىزىلىپ، وقيعانىڭ بارلىق ءمان-جايى انىقتالىپ جاتىر. ولاردىڭ ناتيجەلەرى بويىنشا تۇپكىلىكتى پروتسەسسۋالدىق شەشىم قابىلدانادى.
