«پاري سەن-جەرمەن» كلۋبىنىڭ شابۋىلشىسى ليونەل مەسسي ەۋروپالىق كلۋبتار ءۇشىن ەڭ كوپ گول سوققان «ال-ناسر» شابۋىلشىسى كريشتيانۋ رونالدۋدىڭ رەكوردىن جاڭارتتى، دەپ حابارلايدى “ادىرنا” ۇلتتىق پورتالى.
ليگا 1-ءنىڭ 30-شى تۋرىنداعى «نيتستساعا» قارسى ماتچتا مەسسي ەۋروپالىق كلۋبتار ساپىنداعى ءوزىنىڭ 702-ءشى رەسمي گولىن سوقتى، بۇل تەك پسج-نىڭ جەڭىسى عانا ەمەس، ليونەل مەسسيدىڭ تاعى ءبىر جەكە جەتىستىگى بولدى.
وسىلايشا مەسسي ەۋروپاداعى 702-ءشى گولىن سوعىپ، بۇل كورسەتكىش بويىنشا كريشتيانۋ رونالدۋدان (701) اسىپ ءتۇستى.
ايتا كەتەيىك، ليونەل مەسسي — ارگەنتينالىق فۋتبولشى، «پاري سەن-جەرمەن» كومانداسىنىڭ شابۋىلشىسى جانە ارگەنتينا قۇراماسىنىڭ كاپيتانى. الەم چەمپيونى، وڭتۇستىك امەريكا چەمپيونى، فيناليسسيما جەڭىمپازى، وليمپيادا چەمپيونى. ول ەڭ تانىمال جانە تابىستى فۋتبولشىلاردىڭ ءبىرى.