8 ءساۋىر كۇنى استانادا قالاسىندا شامامەن 400 ادام ايەلدەر شەرۋىنە قاتىستى. ولار تۇرمىستىق زورلىق-زومبىلىققا قارسى اكتسياعا ۇيىمداستىرىپ، اباي داڭعىلى بويىمەن پۋشكين-قۇدايبەردىۇلى قيىلىسىنداعى الاڭعا شەرۋلەتە ءجۇردى. مۇنداي اكتسيانى وتكىزۋگە اكىمدىك الدىن الا رۇقسات بەرگەن، دەپ حابارلايدى "ادىرنا" ۇلتتىق پورتالى.
"ازاتتىق راديوسىنىڭ" جازۋىنشا، شەرۋگە رەسمي تۇردە رۇقسات بەرگەن ورگاندار ءوز سوزىنەن جالتارىپ، كولىك قوزعالىسىن توقتاۋ قايماعان. دەگەنمەن اكتسياعا قاتىسۋشىلار بىرقاتار ۇرانداردى نەگىزگە الا وتىرىپ شەرۋلەتتى. ولار "ماسقارا!", "جولدى جابىڭدار!", "فەمينيزمگە جول بەرىڭدەر!" دەپ ايقايلادى. پوليتسيا شەرۋشىلەردى سىرتتاي باقىلاپ تۇردى.
شەرۋدىڭ سوڭى بەيبىت ميتينگكە ۇلاسىپ، ايەلدەر بىرقاتار زاڭنامالىق وزگەرىستەردى تالاپ ەتتى. اسىرەسە، تۇرمىستىق زورلىق-زومبىلىققا قاتىستى جازانى كۇشەيتۋدى جانە بوپسالاۋ بابىن قىلمىس ەسەبىندە تانۋدى مىندەتتەدى. ۇرىپ-سوعۋ جانە دەنساۋلىققا جەڭىل دارەجەدە زاقىم كەلتىرۋ بابىن اكىمشىلىك كودەكستەن قىلمىستىق كودەكسكە اۋىستىرۋدى العا تارتتى. بۇعان قوسا، تۇرمىستىق زورلىق-زومبىلىقپەن كۇرەس جونىندەگى ستامبۋل كونۆەنتسياسىن راتيفيكاتسيالاۋ قاجەت دەپ سانايتىندىقتارىن جەتكىزدى.
نەگىزىنەن العاندا، قازاقستاندا زورلىق-زومبىلىق دەرەكتەرى جىل سايىن ارتىپ كەلەدى. بۇۇ مالىمەتىنشە، قازاقستان جىل سايىن شامامەن 400 ايەل كۇيەۋى نەمەسە سەرىگىنىڭ قولىنان قازا بولادى. حالىقارالىق Human Rights Watch قۇقىق قورعاۋ ۇيىمى قازاقستاندا تۇرمىستىق زورلىق-زومبىلىق ماسەلەسى ءالى كۇنگە دەيىن شەشىلمەي كەلە جاتقانىن مالىمدەگەن. رەسمي مالىمەت ونىڭ سانى بارعان سايىن ارتىپ، ەش ازايماعانىن كورسەتىپ وتىر.
"ادىرنا" ۇلتتىق پورتالى
