نۇرا اۋدانىنداعى تۇرعىن ءۇي كەشەندەرىنىڭ بىرىندە توتەنشە جاعداي تىركەلدى، دەپ حابارلايدى "ادىرنا" ۇلتتىق پورتالى.
الەۋمەتتىك جەلىدە تاراعان بەينەدە ەر ادام ليفت ىشىندە قامالىپ، ەكىنشىسى ليفت شاحتاسىنا ءتۇسىپ كەتكەن.
توتەنشە جاعدايلار دەپارتامەنتىنىڭ مالىمەتىنشە، وقيعا 4 قاراشا كۇنى، نۇرا اۋدانى سىعاناق كوشەسىندەگى تۇرعىن ۇيلەردىڭ بىرىندە ساعات 05:11-دە بولعان. العاشقى دەرەكتەر بويىنشا، ليفت ىشىندە ءبىر ادام قالىپ قويعانى، ال تاعى ءبىر ادامنىڭ ليفت مەحانيزمىندە قىسىلىپ، جاراقات الۋى مۇمكىن ەكەنى تۋرالى حابار تۇسكەن.
«جەدەل-قۇتقارۋ جاساعىنىڭ قىزمەتكەرلەرى ارنايى قۇرالداردىڭ كومەگىمەن ليفت ەسىگىن اشىپ، 1994 جىلى تۋعان ەر ادامدى شىعارىپ الدى. سونداي-اق ليفت قىزمەتى وكىلدەرىمەن بىرلەسە وتىرىپ، 1987 جىلى تۋعان ەر ادامدى ليفت شاحتاسىنان كوتەرىپ شىعاردى. ول مەديتسينا قىزمەتكەرلەرىنە تاپسىرىلدى»، — دەلىنگەن تجد حابارلاماسىندا.
وقيعانىڭ سەبەپتەرى انىقتالىپ جاتىر.
