استانا قالاسى، سارىارقا اۋداندىق سوتى تاجىكستاننىڭ 26 جاستاعى ازاماتىنا قاتىستى ۇكىم شىعاردى. ول ءوز بەتىنشە ءدىندارلاردى «قارۋلى جيھادقا» قاتىسۋعا شاقىرعان، دەپ حابارلايدى "ادىرنا" ۇلتتىق پورتالى قازاقستاننىڭ تەرروريزمگە قارسى كۇرەس ورتالىعىنىڭ ءباسپاسوز قىزمەتىنە سىلتەمە جاساپ.
شەتەلدىك م. ەسىمدى ازامات حالىقارالىق لاڭكەستىك ۇيىمداردىڭ يدەولوگياسىن ناسيحاتتاعانى ءۇشىن سوتتالدى. ول استانالىق ءدىندارلاردى «قارۋلى جيھادقا» قاتىسۋعا ۇندەگەن.
"قارۋلى جيھاد" يدەياسىنا شىرمالعان ازامات ءوز ارەكەتىنىڭ زاڭعا قايشى ەكەنىن تۇسىنە تۇرا لاڭكەستەرگە قاراجات جولداپ وتىرعان.
سارارقا اۋداندىق سوتىنىڭ ۇكىمىمەن شەتەل ازاماتى قازاقستان رەسپۋبليكاسى قىلمىستىق كودەكسىنىڭ 256 جانە 258-باپتارى «تەرروريزمدى ناسيحاتتاۋ»، «تەرروريزم قىزمەتىن قارجىلاندىرۋ» بويىنشا كىنالى دەپ تانىلىپ، 5 جىل 6 ايعا باس بوستاندىعىنان ايىرىلدى.
"ادىرنا" ۇلتتىق پورتالى
