Astana qalasy, Saryarqa aýdandyq soty Tájikstannyń 26 jastaǵy azamatyna qatysty úkim shyǵardy. Ol óz betinshe dindarlardy «qarýly jıhadqa» qatysýǵa shaqyrǵan, dep habarlaıdy "Adyrna" ulttyq portaly Qazaqstannyń Terrorızmge qarsy kúres ortalyǵynyń baspasóz qyzmetine silteme jasap.
Sheteldik M. esimdi azamat halyqaralyq lańkestik uıymdardyń ıdeologııasyn nasıhattaǵany úshin sottaldy. Ol astanalyq dindarlardy «qarýly jıhadqa» qatysýǵa úndegen.
"Qarýly jıhad" ıdeıasyna shyrmalǵan azamat óz áreketiniń zańǵa qaıshy ekenin túsine tura lańkesterge qarajat joldap otyrǵan.
Sararqa aýdandyq sotynyń úkimimen shetel azamaty Qazaqstan Respýblıkasy Qylmystyq kodeksiniń 256 jáne 258-baptary «terrorızmdi nasıhattaý», «terrorızm qyzmetin qarjylandyrý» boıynsha kináli dep tanylyp, 5 jyl 6 aıǵa bas bostandyǵynan aıyryldy.
"Adyrna" ulttyq portaly
