زامان تالابىنا ساي داستۇرلى ونەردى تالعاممەن ۇسىنىپ جۇرگەن ونەرپازدار از ەمەس. بۇل رەتتە مىندەتتى تۇردە « ALATAU SERILERI» توبىنىڭ جىگىتتەرىن ايتا كەتكەن ءجون. سەبەبى وزگەدە الەمدىك ارەنالارعا شىعىپ جۇرگەن ەتنو توپ حالىق اراسىندا ۇلكەن قۇرمەتكە يە بولىپ كەلەدى.
«الاتاۋ سەرىلەرى» توبى «QAZAQ» اتتى انىنە تۇسىرىلگەن بەينەبايانىن كوپشىلىك نازارىنا ۇسىندى.
بەينەباياندى قازاقستاندىق رەجيسسەر باعدات قوجاحمەتوۆ تۇسىرگەن. ال، باس وپەراتور - شەرحان تاڭسىقباەۆ.
دەمەۋشىلىك كورسەتكەن «QIAL» cinema كومپانياسى. سونداي-اق، NOMAD STUNTS كاسكادەرلىق توبى بەينەبايانعا ءتۇسىپ، “Tarbiya brand” ءسان-ءۇيىنىڭ ءباسشىسىتاربيا ايدىنباەۆا جانە اسحات مەكەباي قولداۋ ءبىلدىردى.
جىگىتتەردىڭ ايتۋى بويىنشا، ءتۇسىرىلىم الاڭىندا 150 جۋىق ادام ەڭبەك ەتكەن.
بۇل تۋىندىسىمەن توپ ەلىمىزدىڭ شوۋ بيزنەسىنە، ەستراداسىنا قازاق ءان ونەرىن دارىپتەپ جۇرگەن ءداستۇرلى انشىلەر رەتىندە وتە باتىل قادام جاسادى دەپ ەسەپتەيمىز!
قازاقتىڭ ونەرىن قاسيەت تۇتىپ جۇرگەن جىگىتتەر بۇل بەينەباياندا تاباندارى تىلىنسەدە، جەر مەن ەل ءۇشىن جانىن بەرۋگە دايىن بولعان، تولارساقتان ساز كەشكەن باتىرلارىمىزدىڭ ەرلىگىن بەينەلەپ كورسەتىپ، اۋەنگە زاماناۋي ءۇن قوسقان.
قايتالانباس ەرەكشە ستيلىمەن، قوڭىر داۋىسىمەن، رۋحتى اندەرىمەن تانىلعان بۇل توپتىڭ ءاربىر ءانى مەن بەينەبايانى قازاق حالقىنىڭ رۋحىن، سانا-جىگەرىن وياتاتىنى ءسوزسىز.
ال،بەينەباياننىڭ تولىق نۇسقاسىن توپتىڭ رەسمي YouTube ارناسىنان تاماشالاي الاسىزدار!
ۇلتتىڭ عانا ەمەس، سونىمەن بىرگە قوعامنىڭ رۋحاني بايۋىنا اسەر ەتەتىن عاجاپ تۋىندى شىققان سەكىلدى...
ال، الاتاۋللىق سەرىلەردى قۇتتىقتاي وتىرا، ىسكە ءسات دەيمىز!
