Zaman talabyna saı dástúrli ónerdi talǵammen usynyp júrgen ónerpazdar az emes. Bul rette mindetti túrde « ALATAU SERILERI» tobynyń jigitterin aıta ketken jón. Sebebi ózgede álemdik arenalarǵa shyǵyp júrgen etno top halyq arasynda úlken qurmetke ıe bolyp keledi.
«Alataý serileri» toby «QAZAQ» atty ánine túsirilgen beınebaıanyn kópshilik nazaryna usyndy.
Beınebaıandy qazaqstandyq rejısser Baǵdat Qojahmetov túsirgen. Al, bas operator - Sherhan Tańsyqbaev.
Demeýshilik kórsetken «QIAL» cinema kompanııasy. Sondaı-aq, NOMAD STUNTS kaskaderlyq toby beınebaıanǵa túsip, “Tarbiya brand” sán-úıiniń basshysyTárbııa Aıdynbaeva jáne Ashat Mekebaı qoldaý bildirdi.
Jigitterdiń aıtýy boıynsha, túsirilim alańynda 150 jýyq adam eńbek etken.
Bul týyndysymen top elimizdiń shoý bıznesine, estradasyna qazaq án ónerin dáriptep júrgen dástúrli ánshiler retinde óte batyl qadam jasady dep esepteımiz!
Qazaqtyń ónerin qasıet tutyp júrgen jigitter bul beınebaıanda tabandary tilinsede, jer men el úshin janyn berýge daıyn bolǵan, tolarsaqtan saz keshken batyrlarymyzdyń erligin beınelep kórsetip, áýenge zamanaýı ún qosqan.
Qaıtalanbas erekshe stılimen, qońyr daýysymen, rýhty ánderimen tanylǵan bul toptyń árbir áni men beınebaıany qazaq halqynyń rýhyn, sana-jigerin oıatatyny sózsiz.
Al,beınebaıannyń tolyq nusqasyn toptyń resmı YouTube arnasynan tamashalaı alasyzdar!
Ulttyń ǵana emes, sonymen birge qoǵamnyń rýhanı baıýyna áser etetin ǵajap týyndy shyqqan sekildi...
Al, Alataýllyq serilerdi quttyqtaı otyra, iske sát deımiz!
