ءساۋىر ايىندا "سپۋتنيك V" ۆاكتسيناسىمەن 81,500 الماتىلىقتاردى كوروناۆيرۋسقا قارسى ۆاكتسيناتسيالاۋدى جوسپارلاپ وتىر، دەپ حابارلايدى "ادىرنا" ۇلتتىق پورتالى، Tengrinews.kz-كە سىلتەمە جاساپ. بۇل تۋرالى الماتى دەنساۋلىق ساقتاۋ باسقارماسىنىڭ ءباسپاسوز قىزمەتى مالىمدەگەن ەدى.
«ءبىرىنشى ترانش اقپان ايىندا بولدى. "سپۋتنيك V" ۆاكتسيناسىنىڭ 1750 دوزاسى الىندى، ەكى كومپونەنت تە 100 پايىزعا يگەرىلدى.
ەكىنشى ترانش ناۋرىز ايىندا 10 800 دوزانى قۇرادى. ءبىرىنشى كومپونەنت 100 پايىز يگەرىلىپ، رەۆاكتسيناتسيا باستالدى.
ءۇشىنشى ترانش ناۋرىز ايىندا 3200 دوزانى قۇرادى. ءبىرىنشى كومپونەنت 100 پايىزعا يگەرىلدى جانە ەكىنشى كومپونەنتتى رەۆاكتسيناتسياعا جىبەرۋ كۇتىلۋدە.
ءساۋىر ايىندا 81 500 دوزا جەتكىزۋ كۇتىلۋدە. ياعني، ءساۋىر ايىندا 81 500 الماتىلىق "سپۋتنيك V" ۆاكتسيناسىن الادى" دەلىنگەن حابارلامادا.
بولىمشە ۆاكتسينانىڭ 65200 دوزاسىن جەتكىزۋ مامىر ايىندا جوسپارلانعانىن اتاپ ءوتتى. بىراق بۇل الدىن-الا بولجامدى مالىمەتتەر. ويتكەنى دەنساۋلىق ساقتاۋ مينيسترلىگى الماتىعا ۆاكتسينالار جەتكىزىلىمىن ۇلعايتۋدى ويلاستىرۋدا.
ەستەرىڭىزگە سالا كەتەيىك، ەپيدەميولوگيالىق احۋال بويىنشا الماتى «قىزىل» ايماقتا. 26 ناۋرىزدا وتكەن تاۋلىك ىشىندە قالادا 450 جاڭا كوروناۆيرۋستىق جاعداي انىقتالعان بولاتىن.
"ادىرنا" ۇلتتىق پورتالى
