الماتىنىڭ مەدەۋ اۋدانىندا 3000 شارشى مەتر اۋماقتا قۇرعاق ءشوپ ورتەندى، دەپ حابارلايدى "ادىرنا" ۇلتتىق پورتالى.
قالالىق تجد مالىمەتىنشە، ءورت جايلى حابارلاما ساعات 16:19-دا تۇسكەن. ءتىلسىز جاۋ تولە بي كوشەسى مەن شىعىس اينالما جولى قيىلىسىنداعى توبە بەتكەيىندە شىققان.
ءورت سوندىرۋشىلەر تاۋعا كوتەرىلىپ، 8 مينۋتتا وقيعا ورنىنا جەتتى. بارلاۋ كەزىندە 3000 شارشى مەتر اۋماقتا قۇرعاق ءشوپتىڭ جانعانى انىقتالدى. جاعدايدى بيىكتىكتەن باقىلاۋ ءۇشىن درون قولدانىلدى.
ءورتتى سوندىرۋگە 43 ءورت ءسوندىرۋشى مەن قۇتقارۋشى جانە 9 تەحنيكا جۇمىلدىرىلدى. جەلدىڭ اسەرىنەن جالىننىڭ جەكە ۇيلەرگە تارالۋ قاۋپى بولعانىمەن، دەر كەزىندە قابىلدانعان شارالاردىڭ ارقاسىندا ول جويىلدى.
تجد حابارلاۋىنشا، ءورت ساعات 17:29-دا وقشاۋلانىپ، 17:55-تە تولىق سوندىرىلگەن.
ۇقساس جاڭالىقتار
