ۇكىمەت باسشىسى ءاليحان سمايىلوۆ جانار-جاعارماي باعاسىنا قاتىستى مالىمدەمە جاسادى، دەپ حابارلايدى "ادىرنا" ۇلتتىق پورتالى قازاقپاراتقا سىلتەمە كورسەتىپ.
ۇكىمەت باسشىسى قارا التىن باعاسىنىڭ كوتەرىلۋىن ساياسي باعىتتا باعامداپ، وزىندىك سەبەپتەرىن ءتۇسىندىردى. ونىڭ ايتۋىنشا، باعا كوتەرىلمەسە، ەل مۇناي ونىمدەرىنىڭ تاپشىلىعىنا تاپ كەلۋى مۇمكىن.
«كەشە ەنەرگەتيكا مينيسترلىگى ەلىمىزدە جانار-جاعارماي باعاسىنىڭ وسەتىنىن مالىمدەدى. وسىنداي شەشىم قابىلداۋعا ءماجبۇر بولدىق. ياعني، باعانى قايتا قاراماساق، وندا جاقىندا مۇناي ونىمدەرىنىڭ تاپشىلىعىنا تاپ بولامىز. بىزدە ديزەل وتىنىن قولدانۋ جىلىنا ءبىر ادامعا 300 ليتردەن كەلەدى. ال رەسەيدە بۇل كورسەتكىش - 225 ليتر، قىرعىزستاندا - 90 جانە وزبەكستاندا - 44 ليتر. مەملەكەت جانار-جاعارماي ءوندىرىسىن ۇلعايتۋ بويىنشا ءتيىستى شارالار قابىلداپ جاتىر. سوڭعى بەس جىلدا بەنزين ءوندىرىسى 70 پايىزعا، ال ديزەل وتىنى 33 پايىزعا ءوستى»، - دەدى ءاليحان سمايىلوۆ ۇكىمەت وتىرىسىنان كەيىن باق وكىلدەرىنە مالىمدەمە جاساۋ باسىسىندا.
ءاليحان سمايىلوۆ مۇناي كومپانيالارىنىڭ قارا التىندى "قازبالاۋدا" جوعارى قارقىنمەن جۇمىس ىستەپ جاتقانىن ايتىپ، ەل بايلىعىنىڭ سىرتقا كەتىپ جاتقانىن دا اشىپ ايتتى. بۇل جايىندا:
«دەگەنمەن جانار-جاعارماي نارىعىندا تاپشىلىق ماسەلەسى ازايار ەمەس. قازاقستاندىق ارزان جانار-جاعارماي ءارتۇرلى جولمەن كورشى ەلدەرگە كەتىپ جاتىر. وسىلايشا وتاندىق ارزان جانار-جاعارماي ءوزىمىزدىڭ مۇددەسىنە ەمەس، كورشى مەملەكەتتەردىڭ ەكونوميكاسىنا جۇمىس ىستەپ وتىر»، - دەپ ءسوزىن تۇيىندەدى پرەمەر-مينيستر.
"ادىرنا" ۇلتتىق پورتالى
