Ükımet basşysy Älihan Smaiylov janar-jaǧarmai baǧasyna qatysty mälımdeme jasady, dep habarlaidy "Adyrna" ūlttyq portaly QazAqparatqa sılteme körsetıp.
Ükımet basşysy qara altyn baǧasynyŋ köterıluın saiasi baǧytta baǧamdap, özındık sebepterın tüsındırdı. Onyŋ aituynşa, baǧa köterılmese, el mūnai önımderınıŋ tapşylyǧyna tap keluı mümkın.
«Keşe Energetika ministrlıgı elımızde janar-jaǧarmai baǧasynyŋ ösetının mälımdedı. Osyndai şeşım qabyldauǧa mäjbür boldyq. Iаǧni, baǧany qaita qaramasaq, onda jaqynda mūnai önımderınıŋ tapşylyǧyna tap bolamyz. Bızde dizel otynyn qoldanu jylyna bır adamǧa 300 litrden keledı. Al Reseide būl körsetkış - 225 litr, Qyrǧyzstanda - 90 jäne Özbekstanda - 44 litr. Memleket janar-jaǧarmai öndırısın ūlǧaitu boiynşa tiıstı şaralar qabyldap jatyr. Soŋǧy bes jylda benzin öndırısı 70 paiyzǧa, al dizel otyny 33 paiyzǧa östı», - dedı Älihan Smaiylov Ükımet otyrysynan keiın BAQ ökılderıne mälımdeme jasau basysynda.Älihan Smaiylov mūnai kompaniialarynyŋ qara altyndy "qazbalauda" joǧary qarqynmen jūmys ıstep jatqanyn aityp, el bailyǧynyŋ syrtqa ketıp jatqanyn da aşyp aitty. Būl jaiynda:
«Degenmen janar-jaǧarmai naryǧynda tapşylyq mäselesı azaiar emes. Qazaqstandyq arzan janar-jaǧarmai ärtürlı jolmen körşı elderge ketıp jatyr. Osylaişa otandyq arzan janar-jaǧarmai özımızdıŋ müddesıne emes, körşı memleketterdıŋ ekonomikasyna jūmys ıstep otyr», - dep sözın tüiındedı Premer-Ministr.
"Adyrna" ūlttyq portaly
Ūqsas jaŋalyqtar
