Úkimet basshysy Álıhan Smaıylov janar-jaǵarmaı baǵasyna qatysty málimdeme jasady, dep habarlaıdy "Adyrna" ulttyq portaly QazAqparatqa silteme kórsetip.
Úkimet basshysy qara altyn baǵasynyń kóterilýin saıası baǵytta baǵamdap, ózindik sebepterin túsindirdi. Onyń aıtýynsha, baǵa kóterilmese, el munaı ónimderiniń tapshylyǵyna tap kelýi múmkin.
«Keshe Energetıka mınıstrligi elimizde janar-jaǵarmaı baǵasynyń ósetinin málimdedi. Osyndaı sheshim qabyldaýǵa májbúr boldyq. Iaǵnı, baǵany qaıta qaramasaq, onda jaqynda munaı ónimderiniń tapshylyǵyna tap bolamyz. Bizde dızel otynyn qoldaný jylyna bir adamǵa 300 lıtrden keledi. Al Reseıde bul kórsetkish - 225 lıtr, Qyrǵyzstanda - 90 jáne Ózbekstanda - 44 lıtr. Memleket janar-jaǵarmaı óndirisin ulǵaıtý boıynsha tıisti sharalar qabyldap jatyr. Sońǵy bes jylda benzın óndirisi 70 paıyzǵa, al dızel otyny 33 paıyzǵa ósti», - dedi Álıhan Smaıylov Úkimet otyrysynan keıin BAQ ókilderine málimdeme jasaý basysynda.
Álıhan Smaıylov munaı kompanııalarynyń qara altyndy "qazbalaýda" joǵary qarqynmen jumys istep jatqanyn aıtyp, el baılyǵynyń syrtqa ketip jatqanyn da ashyp aıtty. Bul jaıynda:
«Degenmen janar-jaǵarmaı naryǵynda tapshylyq máselesi azaıar emes. Qazaqstandyq arzan janar-jaǵarmaı ártúrli jolmen kórshi elderge ketip jatyr. Osylaısha otandyq arzan janar-jaǵarmaı ózimizdiń múddesine emes, kórshi memleketterdiń ekonomıkasyna jumys istep otyr», - dep sózin túıindedi Premer-Mınıstr.
"Adyrna" ulttyq portaly
