18 قازاندا ەلىمىزدىڭ بىرنەشە ءىرى قالاسىندا قولايسىز مەتەورولوگيالىق جاعدايلار كۇتىلەدى. بۇل تۋرالى «قازگيدرومەت» مالىمدەدى، دەپ حابارلايدى "ادىرنا".
سينوپتيكتەردىڭ بولجامىنا سايكەس، اۋا ساپاسىنىڭ ناشارلاۋ قاۋپى الماتى، استانا، قوستاناي، پاۆلودار، قاراعاندى، جەزقازعان، بالقاش، تەمىرتاۋ جانە اقتوبە قالالارىندا بايقالۋى مۇمكىن.
مامانداردىڭ تۇسىندىرۋىنشە، قولايسىز مەتەورولوگيالىق جاعدايلار كەزىندە جەلدىڭ باياۋ سوعۋى، تەمپەراتۋرالىق ينۆەرسيا مەن تۇمان سياقتى فاكتورلار اتموسفەرانىڭ تومەنگى قاباتىندا زياندى زاتتاردىڭ جينالۋىنا اسەر ەتەدى. سونىڭ سالدارىنان اۋانىڭ لاستانۋ دەڭگەيى ارتىپ، ادام دەنساۋلىعىنا كەرى ىقپال ەتۋى ىقتيمال.
وسىنداي كۇندەرى ماماندار تۇرعىندارعا بىرقاتار ساقتىق شارالارىن ۇستانۋعا كەڭەس بەرەدى:
- اۆتوجولدار مەن ءوندىرىس ورىندارىنىڭ ماڭىندا ۇزاق ۋاقىت بولماۋعا تىرىسىڭىز.
- تىنىس الۋ جۇيەسى، جۇرەك-قان تامىرلارى اۋرۋلارى بار جانە اللەرگياعا بەيىم ادامدار قاجەتتى ءدارى-دارمەكتەرىن وزىمەن بىرگە الىپ جۇرگەنى ءجون.
- اشىق اۋادا قارقىندى جاتتىعۋلار جاساۋدى جانە اۋىر فيزيكالىق جۇمىس ىستەۋدى ۋاقىتشا شەكتەگەن دۇرىس.
ۇقساس جاڭالىقتار
