الەمدىك بۇقارالىق اقپارات قۇرالدارى اقش-تىڭ بۇرىنعى پرەزيدەنتى دونالد ترامپتىڭ الداعى كۇندەرى قاماۋعا الىنۋى مۇمكىن ەكەنىن جازا باستادى. ترامپتىڭ جەكە ادۆوكاتى بۇعان قاتىستى مالىمدەمە جاسادى. الدا-جالدا ترامپ تۇرمە تورىنا شىرمالا قالسا دا، ەركىن بولاتىنىن، قولىنا كىسەن سالىنبايتىنىن حابارلادى، دەپ جازادى "ادىرنا" ۇلتتىق پورتالى.
ترامپتىڭ تۇرمەدەگى "تاعدىرىنا" قاتىستى الدىن-الا مامىلە جاسالدى. بۇرىنعى پرەزيدەنتتىڭ ادۆوكاتتار توبى مەن مانحەتتەننىڭ پروكۋراتۋراسى اراسىندا كەلىسىمدە ترامپتىڭ "كەلەشەگى" قاراستىرىلدى، دەپ حابارلايدى News Sky.
مۇنىڭ الدىندا نيۋ-يوركتىك قازىلار القاسى ترامپقا قاتىسى بار 30-دان استام ايىپتاۋ ءىسىنىڭ ءتىزىمىن ۇسىنعان ەدى. ءتىزىم قاتارىندا ترامپپەن بىرگە بيزنەس سالاسىندا الاياقتىق جاسادى دەگەن كۇدىككە ىلىنگەن پورنواكتريسا ستورمي دەنيەلس تە بار. تراپم قىلمىس قادامدارىنىڭ ءساتتى ءجۇرۋى ءۇشىن اكتريساعا اۋىزباستىرىق تولەۋى مۇمكىن دەيدى قازىلار.
وزىنە تاعىلعان قىلمىستىق ايىپتاۋلارعا قارسى پىكىر ءبىلدىرۋ ءۇشىن ترامپ سوت وتىرىسىندا ءسوز الماق. سوت وتىرىسى 4 ءcاۋىر كۇنىنە جوسپارلانعان.
بۇعان دەيىن ترامپتىڭ ادۆوكاتى تاكوپين سوت ايىپتاۋلارىنا قاتىستى پىكىر بىلدىرگەن ەدى. ول ترامپتىڭ ەشقانداي قىلمىس جاساماعانىن جانە ءوز كىناسىن مويىنداۋ ىقتيمالدىعى "نولگە" تەڭ ەكەنىن جەتكىزدى.
اقش-تىڭ ەكس-پرەزيدەنتى دونالد ترامپ وزىنە تاعىلعان ايىپتاۋلاردىڭ استارىندا ساياسي مۇددە جاتقانىن مالىمدەدى.
"ادىرنا" ۇلتتىق پورتالى
ۇقساس جاڭالىقتار
