17 ناۋرىز – «تاريحقا تاعزىم» كۇنى دەپ بەلگىلەنگەن. بۇگىن «شىمقالا» تاريحي-مادەني كەشەنىندە ءوتىپ جاتقان مەرەكەلىك ءىس-شارالار قالا تۇرعىندارى مەن قوناقتارعا ەرەكشە كوڭىل-كۇي سىيلادى.
قازاقى سالت-ءداستۇرىمىز بەن ۇلتتىق ونەرىمىزدى دارىپتەگەن مەيرامدا جۇرتشىلىققا ارناپ ناۋرىزكوجە ۇسىنىلدى، باۋىرساق تاراتىلدى. كەلۋشىلەر ۇلتتىق ويىندارىمىز ارقان تارتىس پەن توعىزقۇمالاقتان سايىسىپ، قولونەر بۇيىمدارىنىڭ كورمەسىن تاماشالادى.
– «تاريحقا تاعزىم» كۇنى – تاريحىمىزدى ۇمىتپاي، جاستارىمىزعا ۇلتتىق قۇندىلىقتapدى ciڭipۋ، ولاردى ۇلتتىق pۋحتا تاpبيeلەۋ، سونىمەن قاتار ءتول تاريحىن بىلۋىنە، eلiنe, جەرىنە دeگeن cۇيicپeنشiلىكتى ارتتىرۋ ماقساتىندا تويلانۋى وتە ورىندى. ەرتەڭگى كۇنى ەلگە يەلىك ەتەتىن جاستارىمىزدى تاريحتى تانۋعا، سالت-ءداستۇردى، بابا ءتىلىمىزدى قۇرمەتتەۋگە، ءتول تامىرىنان اجىرامايتىن ورەسى مىقتى ەتىپ ءوسىرۋ – ءبىزدىڭ مىندەتىمىز. «تاريحقا تاعزىم كۇنىنىڭ» وسىنداي ۇلكەن ميسسياسى بار، – دەيدى «شىمقالا» تاريحي-مادەني كەشەنىنىڭ باسشىسى مادينا كەنجەقۇلوۆا.
مادينا كەنجەقۇلوۆانىڭ ايتۋىنشا، مەرەكەگە «SCAT» اۆياكومپانياسى، «بال تەكستيل» زاۋىتى، «Go-Kino, «شىمكەنت كونتسەرت» مەكەمەلەرى جانە «ايجامال تاتتىلەرى» دەمەۋشىلىك كورسەتكەن. دەمەۋشىلەر ەسەبىنەن ومىرلىك قيىن جاعدايدا جۇرگەن بالالار ءۇيىنىڭ بۇلدىرشىندەرىنە ارنايى سىيلىقتار ۇلەستىرىلدى.
سونىمەن قاتار، بۇلدىرشىندەرگە جاس ۇرپاقتىڭ تاريحقا دەگەن قىزىعۋشىلىق پەن قۇشتارلىعىن وياتۋ ءۇشىن تاريحي جانرداعى فيلمدەر اشىق اسپان استىندا كورسەتىلدى.
مەرەكەلىك ءىس-شارا تاريحي كەشەندە كۇنى بويى جالعاساتىن بولادى.
