حالىقارالىق ايەلدەر كۇنى مەن ۇلىستىڭ ۇلى كۇنى – ناۋرىز مەرەكەسىنە وراي شىمكەنت قالالىق ا.پۋشكين اتىنداعى امبەباپ كىتاپحاناسىنىڭ ۇيىمداستىرۋىمەن «ۇلتتىق كيىم — حالىق قازىناسى» اتتى ءىس-شاراسى ءوتتى. جيىندا بويجەتكەندەر مەن انالارعا ۇلتتىق ناقىشتاعى زاماناۋي كيىم ۇلگىلەرى دارىپتەلدى.
قازاق حالقىنىڭ قولونەرى — ەل تاريحىمەن قاتار دامىپ، وركەندەپ كەلە جاتقان حالىق قازىناسى. ال، قولونەردىڭ ايشىقتى بولىگى — ۇلتتىق كيىمدەر. ۇلتتىق كيىمدەردىڭ تاريحى، تىگىلۋ تەحنيكاسى وتە ەرەكشە.
— «ۇلتتىق كيىم — حالىق قازىناسى» ءىس-شاراسى ارقىلى قازاقتىڭ ۇلتتىق كيىمدەرىن وسكەلەڭ ۇرپاققا ناسيحاتتاۋدى ماقسات ەتىپ وتىرمىز. بۇگىنگى جيىن «ناۋرىز شىمكەنتتەن باستالادى» دەگەن ۇعىمنىڭ دالەلى دەسەم دە بولادى. حالىقارالىق ايەلدەر كۇنى قارساڭىندا كىتاپحانادا ارنايى كوركەمسۋرەت كورمەسى ۇيىمداستىرىلسا، ۇلىستىڭ ۇلى كۇنىنە وراي ۇلتتىق كيىمدى ناسيحاتتاپ وتىرمىز. ۇلتتىق كيىمدەردى دارىپتەپ، قۇرمەتپەن قاراۋ جانە ونى كۇندەلىكتى كيۋ — ءاربىر وسكەلەڭ ۇرپاقتىڭ پارىزى. سەبەبى، ۇلتتىق كيىم قازاق حالقىنىڭ تاريحىنان، ادەت-عۇرپى مەن سالت-داستۇرىنەن، مادەنيەتىنەن سىر شەرتەدى، - دەيدى ا.پۋشكين اتىنداعى امبەباپ كىتاپحانا ادىسكەرى راۋشان تەڭلىباەۆا.
جيىنعا قر مادەنيەتىنىڭ قايراتكەرى، دراماتۋرگ س.قاسىمبەك، جەكە كاسىپكەر، «A.Gulmira collection» برەندىنىڭ نەگىزىن قالاۋشى گ.امانجولوۆا، «انالار» جۋرنالىنىڭ رەداكتورى ا.مومبەك، ءا.قاستەەۆ اتىنداعى ونەر جانە ديزاين كوللەدجى مەن №5 تەحنيكالىق كوللەدج وقىتۋشىلارى مەن ستۋدەنتتەرى قاتىستى. جيىن بارىسىندا «ا.Gulmira collection» برەندىنىڭ ۇلتتىق كيىمدەر توپتاماسى مەن اتالمىش كوللەدج ستۋدەنتتەرىنىڭ جۇمىسى كورسەتىلدى.
