الماتىدا بۇرىنعى اسكەري گوسپيتالدىڭ جەر ۋچاسكەسى مەملەكەتكە قايتارىلدى. بۇل تۋرالى باس پروكۋراتۋرانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
ۆەدومستۆو تاراتقان اقپاراتقا سايكەس، 2014 جىلى الماتى قالاسىنىڭ مەدەۋ اۋدانىنداعى نارىقتىق قۇنى 6 ملرد. تەڭگەدەن استام، جالپى اۋدانى 3,8484 گا جەر ۋچاسكەسى «دوستىق ستروي» قۇرىلىس كومپانياسى» جشس-ءنىڭ مەنشىگىنە وتكەن.
«الايدا، بۇل ۋچاسكە 7 جىلدان استام ۋاقىت بويى ماقساتىنا ساي پايدالانىلماعانىن ەسكەرە وتىرىپ، اسكەري پروكۋراتۋرا ورگاندارى ونى ماجبۇرلەپ الىپ قويۋ تۋرالى تالاپ ارىزبەن جۇگىنگەن. 24.11.2022 جىلى الماتى قالاسىنىڭ مامانداندىرىلعان اۋدانارالىق ەكونوميكالىق سوتىنىڭ شەشىمىمەن اسكەري پروكۋراتۋرانىڭ تالاپ-ارىزى قاناعاتتاندىرىلىپ، زاڭدى كۇشىنە ەنگەن. قازىرگى ۋاقىتتا سوت اكتىسىن ورىنداۋ بويىنشا جۇمىستار جۇرگىزىلۋدە»،—دەلىنگەن حابارلامادا.
ايتا كەتەيىك، «دوستىق ستروي» قۇرىلىس كومپانياسىنا «JOINT TECHNOLOGIES»جشس جانە «كيپروس» جشس يەلىك ەتەدى.
سوڭعى اتالعان سەرىكتەستىكتىڭ قۇرىلتايشىسى رەتىندە تيمۋر قۇلىباەۆ اتالعان.
