بەلگىلى جۋرناليست ايگۇل بولاتحانقىزى كوپتىڭ سىنىنا قالعان تەلەجۇرگىزۋشى جانات باقىتقا قولداۋ كورسەتىپ، جازبا جاريالادى. بۇل تۋرالى "ادىرنا" ۇلتتىق پورتالى جازادى.
"ەرىنبەگەننىڭ ءبارى جانات باقىتتى تالقىلاپ كەتكەن. كەكەتۋ، كەلەكەلەۋ… وعان تانىمال بولۋ كەرەك ەمەس، ءوز اتىن قالىپتاستىرىپ العان. ۇلتتىق كيىم ساتاتىن دۇكەنىنەن زات العاندا ارنايى شىعارىلعان پاكەتىنە دەيىن ۇقىپتاپ سالىپ بەرەتىن قىزدارى قانداي! اپامنىڭ كىتاپتارىن سولاي ارنايى پاكەت جاساتىپ سالىپ بەرسەم ماعان ەشكىم قوي دەمەيدى عوي… ول ارىپتەس، ول سۇيىكتى جار، اياۋلى انا، ءبىر اۋلەتتىڭ كەلىنى. قازاقتىڭ قىزى! ەندى وسى قىزبەن، ەڭ بولماسا، بىرەۋىڭ جەكە تىلدەسىپ كوردىڭدەر مە، مۇنداي پوست جازۋعا نە تۇرتكى بوپ جاتقانىن سۇراپ كوردىڭدەر مە، زەرتتەپ كوردىڭدەر مە؟ قايسىڭ بارسىڭ؟ وسىنى بىلمەي جاتىپ نەگە ونىڭ ەتىن جەپ سۇيەگىن ءمۇجىپ جاتىر بۇ قازاق؟ ال ەگەر ونىڭ بولجامىنىڭ ءبارى تۋرا كەلسە شە؟ تۋرا يتتەي عىپ سوتتاعان ءانابىر اقساقالدىڭ ايتقانىنداعىداي. وكىنىشكە قاراي ول كىسى باقيلىق بوپ كەتتى… ءاي، ءبىر سورلىمىز عوي. قازاق بىرىنە-ءبىرى كەلگەندە “باۋىرى كوكتەمىر”، قاتىگەز. نەگە ەكەن؟ جاناتتى كورمەگەلى قاي زامان، تاپسىرىسپەن جازىلعان دەپ كوتپەن بال اشۋ جوق ەكەنىن ەسكەرتەم",- دەپ جازدى ايگۇل بولاتحانقىزى ءوزىنىڭ فەيسبۋك پاراقشاسىندا.
"ادىرنا" ۇلتتىق پورتالى
