شاحتينسكىدە كوڭىل كوتەرۋ ورىندارىنىڭ ءبىرىنىڭ ماڭىندا جاپپاي توبەلەس بولىپ، وق اتىلدى، دەپ حابارلايدى «ادىرنا» ءتىلشىسى.
«22 ناۋرىز كۇنى ساعات 23:50 شاماسىندا پوليتسيا ءبولىمىنىڭ كەزەكشى بولىمىنە قالاداعى تۇنگى كوڭىل كوتەرەتىن ورىنداردىڭ ءبىرىنىڭ ماڭىندا كيكىلجىڭ بولىپ جاتقانى تۋرالى حابارلاما ءتۇستى. وقيعا ورنىنا تەز ارادا سول ماڭعا جاقىن پاترۋلدىك پوليتسيا جاساعى جىبەرىلدى. بەلگىسىز ادامداردىڭ قاتىسۋىمەن توبەلەس بولىپ جاتقانى انىقتالدى. قۇقىققا قايشى ارەكەتتەردى جانە اۋىر زارداپتاردى بولدىرماۋ ماقساتىندا پوليتسيا قىزمەتكەرلەرىنىڭ ءبىرى اسپانعا ەسكەرتۋ رەتىندە وق اتتى. وقيعاعا قاتىسۋشىلاردىڭ بارلىعى پوليتسيا بولىمىنە جەتكىزىلدى»،- دەدى باسقارما.
اتالعان دەرەك بويىنشا قر قك-ءنىڭ 293-بابى 2-بولىگىنە "بۇزاقىلىق" سايكەس قىلمىستىق ءىس قوزعالدى. تەرگەۋ امالدارى جۇرگىزىلۋدە.
<
