ۋكراينانىڭ كيەۆ قالاسىندا ورناتىلعان قازاقتىڭ كيىز ۇيلەرىندە ناۋرىز مەيرامى تويلاندى، دەپ حابارلايدى “ادىرنا” ۇلتتىق پورتالى orda.kz سايتىنا سىلتەمە جاساپ.
كيىز ۇيلەردىڭ جانىندا وركەستر ويناپ، مەرەكەگە قاتىسقان ۋكراينا استاناسىنىڭ مەرى ۆيتالي كليچكو قۇتتىقتاۋ ءسوز سويلەدى. ول قازاقستانعا ۋكراين حالقىنا كومەكتەسكەنى ءۇشىن العىس ايتىپ، بارشا جۇرتتى مەرەكەمەن قۇتتىقتادى.
سونداي-اق كليچكو كيەۆتەگى 50 مىڭنان اسا ۋكرايندىقتىڭ كيىز ءۇيدى ارالاپ، قازاق مادەنيەتىمەن تانىسقانىن اتاپ ءوتتى. ول كيىز ءۇي قازاقستانعا جەر اۋدارىلىپ، ارال تەڭىزىن زەرتتەگەن كاپيتان بۋتاكوۆتىڭ اتاقتى ەكسپەديتسياسىنا قاتىسقان تاراس شەۆچەنكو اتىنداعى ساياباقتا ورنالاسقان.
