رەسەي پرەزيدەنتى ۆلاديمير پۋتين قحر توراعاسى سي تسزينپين كرەملدە كەلىسسوز وتكىزدى، دەپ جازادى "ادىرنا" ۇلتتىق پورتالى.
6 ساعاتقا سوزىلعان كەزدەسۋدە قانداي ماسەلەلەر تالقىلاندى؟ قىسقاشا ايتاتىن بولساق:
- رەسەي سۇيىتىلعان تابيعي گازدى جەتكىزۋدى كەڭەيتۋگە نيەتتى جانە قىتايعا ۇزدىكسىز مۇناي جەتكىزۋدى ۇلعايتپاق.
- ماسكەۋ قىتاي بيزنەسىنە رەسەيدەن كەتكەن كاسىپورىنداردى اۋىستىرۋعا قولداۋ كورسەتۋگە دايىن.
- رەسەي ازيا، افريكا، لاتىن امەريكاسى ەلدەرىمەن ەسەپ ايىرىسۋدا قىتاي ءيۋانىن پايدالانۋدى جاقتايدى.
- رف شىۇ اياسىندا سپورت قاۋىمداستىعىن قۇرۋدى قولدايدى.
- رەسەي مەن قىتاي سولتۇستىك تەڭىز جولىن دامىتۋ بويىنشا بىرلەسكەن جۇمىس ورگانىن قۇرۋعا دايىن.
- رەسەي مەن قىتاي اراسىنداعى اۋىل شارۋاشىلىعى ونىمدەرىنىڭ ساۋداسى جوعارى قارقىنمەن دامىپ كەلەدى.
- قىتاي قيىر شىعىستىڭ ەكونوميكالىق دامۋىنداعى رەسەي فەدەراتسياسىنىڭ جەتەكشى سەرىكتەسىنە اينالدى.
- ماسكەۋ مەن پەكين IT, جەلىلىك قاۋىپسىزدىك جانە جاساندى ينتەللەكت سالاسىندا الەمدىك كوشباسشى بولۋدى كوزدەپ وتىر.
«ءدال قازىر 100 جىل ىشىندە بولماعان وزگەرىس باستالدى جانە ءبىز بۇل وزگەرىستەردى بىرگە ورناتىپ جاتىرمىز»، - دەدى قىتاي توراعاسى پۋتينمەن قوشتاسار ساتتە. «كەلىسەمىن»، - دەپ قولدادى كرەمل باسشىسى. «وزىڭە اباي بول، قىمباتتى دوسىم»، - دەپ سي تسزينپين پۋتينمەن كەزدەسۋىن جىلى نوتادا اياقتاپ، ەلىنە قايتتى.
"ادىرنا" ۇلتتىق پورتالى
