قازگيدرومەت قازاقستاننىڭ ءۇش قالاسىنا مەتەورولوگيالىق جاعدايعا قاتىستى ەسكەرتۋ جاسادى، دەپ حابارلايدى "ادىرنا" ۇلتتىق پورتالى.
«31 قاڭتاردا پاۆلودار، الماتى جانە استانا قالالارىندا اۋانى لاستاۋدىڭ قولايسىز مەتەورولوگيالىق شارتتارى كۇتىلۋدە»، - دەلىنگەن حابارلامادا.
اۋا-رايىنىڭ قولايسىزدىعى - بۇل اتموسفەرالىق اۋانىڭ بەتكى قاباتىنداعى زياندى (لاستانۋ) زاتتاردىڭ جيناقتالۋىنا ىقپال ەتەتىن قىسقا مەرزىمدى مەتەورولوگيالىق فاكتورلاردىڭ (تىنىش، ءالسىز جەل، تۇمان، ينۆەرسيا) ۇيلەسىمى.
سينوپتيكتەر 31 قاڭتاردا قازاقستانداعى سينوپتيكالىق جاعدايدىڭ جانە قازاقستانداعى قاۋىپتى اۋا-رايىنىڭ بولجامىن ۇسىندى.
«قازاقستان اۋماعىنىڭ كوپ بولىگىندە اتموسفەرالىق فرونتتاردىڭ وتۋىنە بايلانىستى اۋا-رايى تۇراقسىز بولىپ قالادى، جاڭبىر جانە قار جاۋادى: ال وڭتۇستىك تاۋلى ايماقتاردا قاتتى جاۋىن-شاشىن (جاڭبىر، قار) كۇتىلۋدە" دەلىنگەن حابارلامادا.
