الماتىدا «الماتى – ءبىزدىڭ ورتاق ءۇيىمىز» اكتسياسى باستالادى. وسىعان وراي قالا اكىمى ەربولات دوساەۆ قالالىقتار الدىندا ءسوز سويلەدى، دەپ حابارلايدى “ادىرنا” ۇلتتىق پورتالى.
«قۇرمەتتى الماتىلىقتار! ەجەلدەن ناۋرىز جاڭارۋ مەن جاڭعىرۋدى بەينەلەگەن. بۇل - قورشاعان ورتا مەن ۇيلەردىڭ اينالاسىن تازارتىپ، رەتكە كەلتىرەتىن كەزەڭ. وتان سەنىڭ ءۇيىڭنىڭ تابالدىرىعىنان باستالادى. ال ءبىز ءۇشىن الماتى - ورتاق ءۇيىمىز. وسىناۋ ارۋ قالادا ءبىز ءوسىپ، وندىك، اتا- انالارىمىز وسىناۋ كيەلى مەكەندە ءومىر سۇرۋدە، بالالارىمىز ساياباقتار مەن سكۆەرلەردە اسىر سالىپ، سەرۋەندەۋدە.
بۇگىننەن باستاپ، ءبىر اي بويى ءبىز «الماتى – ءبىزدىڭ ورتاق ءۇيىمىز» ناۋقانىن باستايمىز جانە وتكىزەمىز. ماقسات - ءبىزدىڭ سۇيىكتى قالامىز ودان دا جاقسى جانە ادەمى بولۋى ءۇشىن بارلىق نيەتتەس تۇرعىنداردى بىرىكتىرۋ. بۇل تەك تازالىق پەن تارتىپكە عانا ەمەس، سونىمەن بىرگە ءوزىمىز بىرگە جاساعان قۇندىلىقتارعا ۇقىپتى قاراۋعا دا قاتىستى”، دەدى اكىم.
سونداي-اق، ول بارلىق قالالىق كوممۋنالدىق قىزمەتتەر، اۋدان اكىمدىكتەرى الداعى ناۋقانعا بەلسەندى قاتىساتىنىن ايتتى.
«ۇلكەن ىستەر كىشىدەن باستالادى. ۇلى اباي ايتقانداي، «ءوزىن تاربيەلەي بىلمەگەن، وزگەگە ونەگە كورسەتە المايدى». سوندىقتان يگى ىستەردى وزىمىزدەن، ۇيىمىزدەن، اۋلامىزدان باستايىق. الماتىلىقتار ۇنەمى ءوز قالاسىنا ەرەكشە قۇرمەتپەن قاراۋ ارقىلى ەرەكشەلەنەدى. ارينە، مەن اركىمنىڭ جەكە ىستەرى بار ەكەنىن تۇسىنەمىن، بىراق قالامىز بىرەۋ ءارى بارىمىزگە ورتاق.
مەنىڭ تاپسىرمام بويىنشا بارلىق قالالىق كوممۋنالدىق قىزمەتتەر، اۋدان اكىمدىكتەرى الداعى ناۋقانعا بەلسەندى قاتىسادى. بارلىق ءىس-شارالار قالا اتىنان قاجەتتى رەسۋرستارمەن قامتاماسىز ەتىلگەن.
وسى الداعى اپتالاردا نيەتتەس ازاماتتاردىڭ بارلىعىن ءبىزدىڭ ورتاق ءىس-شارالارىمىزعا قوسىلۋعا، ءوز اۋلالارىن، كوشەلەرىن اباتتاندىرۋعا جانە تازارتۋعا، ەكواكتسيالارعا قاتىسۋعا شاقىرامىن. الماتىنىڭ بيزنەسى دە قالانىڭ دامۋى مەن وركەندەۋىنە زور ۇلەس قوساتىنىنا سەنىمدىمىن.
قۇرمەتتى قالا تۇرعىندارى!
مەملەكەت باسشىسى الماتى ەلىمىزدىڭ ەڭ مادەني جانە تازا قالاسى بولۋى ءتيىس دەپ ەسەپتەيدى! مەن سۇيىكتى قالامىزدىڭ ەڭ جاقسى جانە ادەمى مارتەبەسىن راستاي الاتىنىمىزعا ءبارىمىز بىرىگىپ كۇش- جىگەرىمىزدى جۇمسايتىنىمىزعا سەنىمدىمىن”، دەپ ءسوزىن قورىتىندىلادى ەربولات دوساەۆ.
