الماتىلىق زاڭگەر اننا چەرنوۆا قر دەنساۋلىق ساقتاۋ ءمينيسترى اجار عينياتقا ءۋاج ايتىپ، قىزمەتىنە سىن تاقتى، دەپ حابارلايدى "ادىرنا" ۇلتتىق پورتالى "Ulysmedia.kz" پورتالىنا سىلتەمە كورسەتىپ.
ء“بىزدىڭ ۇلتتىق قاۋىپسىزدىگىمىزگە دارىگەرلەردىڭ كەسىرىنەن قاتەر ءتونىپ تۇر. وتستاۆكاعا كەتىڭىز! ءسىز ءوز رەفورمالارىڭىزبەن ءبىزدىڭ حالىقتى سوعىسسىز جانە الەمدىك پاندەمياسىز-اق قىراسىز. پرەزيدەنت قاسىم-جومارت توقاەۆ، دەنساۋلىق ساقتاۋ ءمينيسترىن ورنىنان الىڭىز! كۇن سايىن بالالارىمىز – بولاشاعىمىز ءولىپ جاتىر! دارىگەرلەردىڭ قولىنان ءولىپ جاتقان قازاقستاندىقتارعا كىم كومەكتەسەدى؟! قازاقستاندىقتاردىڭ قىرىلۋىن توقتاتىڭىز!”، - دەپ جازدى زاڭگەر الەۋمەتتىك جەلىلەردە.
زاڭگەردىڭ مۇنداي توقتامعا كەلۋىنە جامبىل وبلىسىندا قان العاننان كەيىن شەتىنەگەن ءۇش ايلىق قىزدىڭ ءولىمى سەبەپ بولعان.
“مەن بۇل ءىستى وبەكتيۆتى تۇردە تەرگەۋدى تالاپ ەتەمىن. سوتقا دەيىنگى تەرگەۋ ادەتتەگىدەي سوزباققا سالىنىپ، كىنالىلەر تاعى دا جازادان سىتىلىپ كەتپەۋى كەرەك. ءسىز ءتىپتى قىلمىستىق جاۋاپكەرشىلىككە تارتۋ ستاتيستيكاسىن كوردىڭىز بە؟! 5 جىل ىشىندە 83 ادامنىڭ 27-ءسى جاۋاپقا تارتۋ مەرزىمىنىڭ ءوتىپ كەتۋىنە بايلانىستى جازاسىز قالعان. مەنىڭ ويىمشا، بۇل كادىمگى گەنوتسيد. ادامدار ءولىپ جاتىر جانە ول ءۇشىن ەشكىم جاۋاپ بەرمەيدى. ءبىز ءوز ەلىمىزدە قالاي قورىقپاي ەمدەلە الامىز؟! مەديتسينامىزدى رەتكە كەلتىرۋدى تاعى قانشا ادام ءوتىنۋى كەرەك؟ نەلىكتەن سىزدەر حالىقتىڭ ءۇنىن ەستىگىلەرىڭىز كەلمەيدى؟”،- دەدى زاڭگەر.
Instagram پاراقشاسىندا زاڭگەردىڭ پىكىرىن كوپتەگەن قازاقستاندىقتاردى قولداعان.
ايتا كەتەيىك، اجار عينيات قازاقستاننىڭ دەنساۋلىق ساقتاۋ ءمينيسترى قىزمەتىنە 2022 جىلعى 11 قاڭتاردا تاعايىندالدى.
"ادىرنا" ۇلتتىق پورتالى
