پوليتسياعا ۋكراينانىڭ استاناداعى ەلشىلىگىنىڭ عيماراتىندا بومبا بار دەگەن اقپارات ءتۇستى. بۇل فاكتى ەسىل اۋدانى پوليتسيا ءبولىمىنىڭ اقپاراتتى ەسەپكە الۋ كىتابىندا تىركەلدى، دەپ حابارلايدى “ادىرنا” ۇلتتىق پورتالى.
وقيعا 1 جەلتوقسان كۇنى بولدى.
پوليتسياعا ۋكراينا ەلشىلىگىنىڭ كونسۋلى ارىزدانعان. ايتۋىنشا، ەلەكتروندى پوشتاعا عيماراتقا جارىلعىش زات قويىلدى دەگەن حات كەلگەن.
"وقيعا ورنىنا دەرەۋ ارنايى قىزمەتتەر كەلدى. تەكسەرىس بارىسىندا جارىلعىش زات تابىلعان جوق. ءىس-شارا ەۆاكۋاتسياسىز ءوتتى، قاۋىپ جويىلدى", -دەپ حابارلايدى Polisia.kz.
قازىرگى ۋاقىتتا پوليتسيا وقيعاعا قاتىسى بار ادامداردى ىزدەستىرىپ جاتىر.
